Iýrıı Shatýnovtyń anasy qazaq bolyp shyqty

8548
Adyrna.kz Telegram

Iýra Shatýnovtyń qamqorshy QAZAQ anasy BÁTIMA
HH ǵasyrdyń 80-jyldaryndaǵy SSSR-degi eń tanymal top «Laskovyı maı» ekenin bári de biledi, top ánshisi Iýra Shatýnovtyń ónerine mıllıondaǵan tabynýshylary bolǵandyqtan, kúsheıtilgen kúzetpen ǵana júretin jaǵdaıǵa jetti, bul top týraly «Laskovyı maı» degen serıal da shyqty, sonda 13-16 jastaǵy qyzdar Iýrany qolǵa túsirse tyrnaqtarymen-aq bólshektep alyp ketetin jaǵdaıǵa jetkenin kórýge bolady.
Al, jetim qalǵan Iýrany qamqorlyǵyna alyp qatarǵa qosqan qazaq áıeli – Bátıma Bolsynqyzy Tazakenova ekenin aıtpaı, Valentına Nıkolaevna Tazıkınova dep jasyryp keldi.
Orystar talantty ánshini taǵdyr tálkeginen aman alyp qalǵany úshin osy qazaq áıeline qaryzdar.
Bátıma Bolsynqyzy Tazakenova 1946 jyly 25 naýryzdy Chkalov oblysyndaǵy Chebenkı eldi mekeninde dúnıege keldi. 1969-1972 jyldary Orynbor pedagogıkalyq ınstıtýtynda oqydy. «RF-na eńbegi sińirgen muǵalimi», pedagogıka ǵylymynyń kandıdıty, «Otan aldynda eńbegi sińgeni úshin» medalin V.V.Pýtınniń qolynan alǵan.👍 2015 jyly 7 qańtarda Orynbor qalasynda qaıtys boldy.
Reseıdiń estrada juldyzy Iýrıı Shatýnovqa qalaı qamqorshy ana bolyp júr?
Iýrıı Shatýnov 1973 jyldyń 6 qyrkúıeginde Bashqurt ASSR-niń Kemirtaý qalasynda dúnıege keldi. Ákesi Vasılıı Klımenko (1950-2020), anasy Vera Shatýnova (1955-1984). Ákesi balasynan bas tartqannan soń, anasy óziniń famılııasyna jazdyryp aldy. 1975 jyly ekeýi ajyrasyp ketkesin, Iýra naǵashy ata-ájesiniń qolynda ósedi. 1977 jyly atasy qaıtys bolǵasyn Vera balasyn qolyna alǵanmen, ekinshi kúıeýi maskúnem bolǵandyqtan, mektepke baratyn jyly Kemirtaýdaǵy mektep ınternatqa tapsyrady. 1984 jyly 7 qarashada anasy Vera araqtan ýlanyp ólgen soń, artynan keletin eshkimi bolmaǵasyn Iýra ınternattan qashyp ketip qańǵybastyq ómir keship, Bashqurtstan men Orynbor oblysynda kámiletke tolmaǵandar isi jónindegi ınspekııaǵa ustatpaı júredi, ustap hattama toltyryp ınternatqa tapsyrǵanmen odan da qaıta qashyp ketip júrdi. Orynbor oblysyndaǵy Aqbulaq poselkesindegi mektep ınternatta dırektory Bátıma Bolsynqyzy, ınspekııa qyzmetkerleri ustaǵan 11 jastaǵy qańǵybas Iýra Shatýnovtyń isi týraly shaqyrǵanda, kók kózdi súıkimdi orystyń balasyn aıap, óziniń qamqorlyǵyna alady. Alaıda, kóp uzamaı Bátıma oblys ortalyǵy Orynbor qalasyndaǵy № 2-shi ınternat dırektorlyǵyna qyzmeti ósip, ketip qalǵanda, Iýra qaıtadan qashyp ketip qańǵybastyqqa salynady. Muny estigen Bátıma Bolsynqyzy Iýra tabylǵan kezde, óz ınternatyna aýdaryp alady. Orynbordaǵy osy ınternattaǵy kórkemónerpazdar úıirmesine qatystyrady. Osy úıirme jetekshisi talantty mýzykant Sergeı Kýzneov Iýranyń daýys ereksheligin baıqap, top qurdy, quramynda V.Ponomarev jáne S.Serikov boldy. Jetim balalardan qurylǵan bul toptyń «Leto», «Belye rozy», «Sedaıa noch» «Pýst býdet noch» t.b. ánderimen tanylyp shaqyrtýlar ala bastaıdy. Ózderiniń osy ánderi suranysqa ıe ekeniń bilip, qazirgi tilmen aıtqanda «hıt» ánderin magnıtofon kassetasyna jazyp, Orynbor vokzalyndaǵy jolaýshylarǵa sata bastaıdy. Osyndaı kassetadaǵy ánderin poezd ústinde estigen, «Mıraj» tobynyń menedjeri Andreı Razın joldan túsip qalyp qaıtadan basqa poezǵa otyryp Orynborǵa kelip, talantty jas jetim mýzykanttardy Moskvaǵa alyp ketip, prodıýsseri retinde «Laskovyı maı» tobyn quryp, eń baı adamdardyń qataryna qosylady.

1991 jyldyń 25 jeltoqsanynda Alla Pýgachevanyń «Rojdestvenskıe vstechı» keshinde jeke án aıtqasyn, 1992 jyldyń qańtarynan bastap jeke ánshi bolyp keledi.
2013 jyly óziniń qazaq anasy Bátıma Tazakenova basqaratyn Orynbor balalar úıine tekserý júrip, sońy qylmystyq is qozǵalǵanda, Iýra Shatýnov anasyna arasha tústi, 30 jyl bolǵan dırektorlyq qyzmetinen ketken soń, eki jyldan soń júrekke túsken keselden qaıtys bolǵanda, Iýra Shatýnov óziniń paraqshasyna mynadaı kóńil aıtý jazyp joldady: «Valentına Nıkolaevnanyń orny men úshin erekshe. Ol maǵan analyq jylý men mahabbatty syılady. Aramyzda endi joq ekenin sezgende, kóńilim qulazyp ketti. Onyń óte qamqor jáne qaıyrymdy bolǵanyń jalǵyz men ǵana emes bárimiz de biletinbiz. Beınesi esimizde saqtalyp jáne bizge jetispeıtin bolady».

 

Baqytjan ABDÝL-TÚMENBAEV,

tarıhshy, jýrnalıst-daıdjest.

Pikirler