Ózbekstan prezıdenti Shavkat Mırzııoevtiń tóraǵalyǵymen 27 naýryzda ótken keńeste eldegi atom energetıkasyn damytý máselesi qaraldy. Bul týraly memleket basshysynyń baspasóz qyzmeti málimdedi, dep habarlaıdy "Adyrna" ulttyq portaly.
Jıynda atom energetıkasynyń bolashaqta eldegi negizgi elektr energııa kózderiniń biri bolatyny atap ótildi. Sarapshylardyń boljamyna sáıkes, 2035 jylǵa qaraı Ózbekstandaǵy elektr energııasyn tutyný 81,5 mlrd kVtsaǵattan 121 mlrd kVtsaǵatqa deıin ósedi. Bul generaııa kózderin ártaraptandyrý qajettiligin kórsetedi.
Ózbekstan bıligi 2030 jylǵa qaraı «jasyl» energetıkanyń úlesin 50%-dan asyrýdy josparlap otyr, alaıda atom energetıkasyn da uzaq merzimdi sheshim retinde qarastyrýda.
Keńeste iri atom elektr stanııasyn (AES) salý máselesi jan-jaqty qarastyrylyp, tehnıkalyq jáne ekonomıkalyq aspektiler talqylandy.
Búginde elde shaǵyn qýatty atom elektr stanııasy (ASMM) jobasy ázirlenýde. Sonymen qatar, iri AES salý boıynsha kelissózder júrgizilip jatyr.
2025-2027 jyldarǵa arnalǵan MAGATE-men (Halyqaralyq atom energetıka agenttigi) birlesken is-qımyl jospary ázirlendi. Jobalaý men paıdalanýǵa berý kezeńderi MAGATE tarapynan halyqaralyq qaýipsizdik standarttaryna sáıkes baqylanady. Qarjylandyrý kózderi, tehnıkalyq sheshimder jáne qurylys alańdary talqylanýda.
Keńeske deıin Ózbekstanǵa «Rosatom» memlekettik korporaııasynyń atom energetıkasy jónindegi birinshi vıe-prezıdenti, «Atomstroıeksport» AQ prezıdenti Andreı Petrov kelgen bolatyn. Ol «Ýzatom» agenttiginiń basshysy Azım Ahmedhadjaevpen birge shaǵyn jáne iri AES qurylysy boıynsha kelissózder júrgizdi.
27 mamyr 2024 jyly Ózbekstan «Rosatommen» shaǵyn atom stanııasyn jobalaý, jabdyqtaý jáne salý jóninde kelisimshartqa qol qoıdy. Alǵashqy shaǵyn atom stanııasy (ASMM) Djızak oblysynyń Farısh aýdanyndaǵy Týzkan kóliniń mańynda salynady. Munda árqaısysy 55 MVt bolatyn alty reaktor ornatylady, jalpy qýaty 330 MVt quraıdy. Qurylys 2026 jyldyń ekinshi toqsanynda bastalady, al alǵashqy reaktor 2029 jyly iske qosylady.
