Almatyda «Taza Qazaqstan» baǧdarlamasy aiasynda «Jasyl aula» aksiiasy bastalady

Almatyda «Taza Qazaqstan» respublikalyq baǧdarlamasy jäne «Almaty – bızdıŋ ortaq üiımız» qalalyq nauqany aiasynda «Jasyl aula» aksiiasyna qatysu üşın qala tūrǧyndarynan ötınımder qabyldau bastalady. Jyl saiynǧy aksiia aiasynda qala tūrǧyndary köpqabatty üilerdıŋ aulalary men qoǧamdyq keŋıstıkterdı kögaldandyru üşın japyraqty aǧaştardyŋ köşetterın tegın ala alady. Aksiianyŋ negızgı maqsaty-jasyl qordy kögaldandyru jäne saqtau baǧdarlamasyn jalǧastyru, sondai-aq tūrǧyndar arasynda ekologiialyq mädeniettı qalyptastyru. Aksiianyŋ köktemgı kezeŋıne qatysu üşın ötınımderdı qabyldau 2025 jylǧy 1-11 säuır aralyǧynda jalǧasady. Qatysu üşın zhasyl_aula_2025@mail.ru elektrondyq mekenjaiǧa   myna derekterterdı jıberu qajet:

1. Bastamaşyl tūlǧanyŋ aty-jönı jäne bailanys derekterı, o köşet otyrǧyzylatyn naqty mekenjai;
2. Josparlanǧan otyrǧyzu alaŋynyŋ bırneşe fotosuretı (mamandar ornalasqan jerdı baǧalai alatyndai panoramalyq fotosuret);
3. Köşetterdıŋ qajettı sanyn körsetıŋız.

Aksiiaǧa qatysatyn qala tūrǧyndary bolaşaqta köşet otyrǧyzu turaly fotoreportaj ūsynuy qajet. Aksiia boiynşa qosymşa aqparat alu üşın Almaty qalasy ekologiia jäne qorşaǧan ortany basqaru basqarmasynyŋ jasyl qor monitoringı jäne basqaru bölımıne myna telefon arqyly habarlasuǧa bolady: +7 771 894 34 57. «Jasyl aula» aksiiasy-Almatynyŋ barlyq tūrǧyndary üşın qalany kögaldandyruǧa öz ülesın qosyp, ony odan da jasyl ärı jaily etuge bıregei mümkındık.