Almaty qalasy Medeu audanynyŋ Tau-Samal şaǧyn audanynda tehnogendık sipattaǧy topyraqtyŋ ylǧaldanuynan lai köşkını jürdı. Būl turaly tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Belgılı bolǧandai, oqiǧa turaly aqparat 8 aqpanda saǧat 02.20-da kelıp tüsken.
Ministrlıktıŋ mälımetınşe, suyq sumen jabdyqtau qūbyrynyŋ jaryluy saldarynan topyraq ylǧaldanyp, keiın kölemı 3200 tekşe metr bolatyn lai köşkını jürgen. Ekı jeke tūrǧyn üige, onyŋ ışınde bıreuıne ışınara zaqym kelgen.
Aldyn ala aqparatqa säikes, üilerde tört adam, onyŋ ışınde ekı bala bolǧan.
Kömekke"Qazseldenqorǧau" MM, Almaty qalasynyŋ "109 qūtqaru qyzmetı" MM, Respublikalyq jedel-qūtqaru jasaǧynan, Almaty qalasy TJD, TJM 28237 äskeri bölımınen, jedel medisinalyq kömek brigadasynan, Medeu audanynyŋ äkımdıgınen 160-tan astam adam jäne 30 tehnika jūmyldyryldy.
Sondai-aq, jaqyn maŋdaǧy üilerdıŋ tūrǧyndary evakuasiialandy. Olar № 47 mektepke ornalastyryldy. Olarǧa tüneu orny, jyly şai jäne basqa da qajettı kömek körsetıldı. Jinalu punktıne ornalastyrylǧannan keiın bırneşe saǧat ötken soŋ, tūrǧyndar öz erkımen dostary men tuystaryna kettı.
Därıgerler brigadasy kezekşılıktı jalǧastyruda. Oqiǧa ornynda tötenşe jaǧdailar departamentınıŋ psihologiialyq toby jūmys ıstep jatyr. Yqtimal zardap şekkenderdı ızdeu jalǧasuda. Üilerdıŋ jaqyn ornalasuy, tehnikany paidalanu mümkındıgınıŋ bolmauy jūmystardy qiyndatyp jatyr.
Sonymen qatar oqiǧa ornyna Almaty äkımı Erbolat Dosaev ta bardy. Tötenşe jaǧdaiǧa bailanysty ol 8 aqpanǧa josparlanǧan tūrǧyndarmen kezdesuın keiınge qaldyrdy. Al qūtqaruşylarǧa ızdeu jūmystaryn toqtatpaudy tapsyrdy. “Basty mındet – ızdeu-qūtqaru jūmystary. Osy üide tūrǧan adamdardy ızdeu boiynşa mobilizasiialyq toptyŋ barlyǧy toqtausyz jūmys ısteuı qajet”, – dedı qala basşysy.
