Almatydaǧy Butakov şatqalynda şamamen 2,8 myŋ jyldyq «Būtaqty-2» arheologiialyq eskertkışınıŋ bır bölıgın qūrylys tehnikasy jaipap tastaǧany turaly aqparat tarady, dep habarlaidy “Adyrna” tılşısı.
Būl turaly qazaqstandyq arheologtardyŋ «Qazaqstan – petroglifter elı» qauymdastyǧy habarlaǧan.
Arheologtardyŋ aituynşa, erte temır däuırıne jatatyn köne qonysta 15 tūrǧyn jai bolǧan. Sonyŋ toǧyzy qūrylys jūmystary kezınde joiylyp, mädeni qabattyŋ edäuır bölıgı bülıngen.
Mamandardyŋ mälımetınşe, eskertkış aumaǧynda qūrylys jūmystary arheologtardyŋ rūqsatynsyz jürgızılgen. Almaty arheologtary nysandy joiuǧa rūqsat alu jönınde özderıne eşkım jügınbegenın aitqan.
Marǧūlan atyndaǧy Arheologiia institutynyŋ jetekşı ǧylymi qyzmetkerı Aleksandr Goriachevtıŋ sözınşe, qūrylys tehnikasy 3-4 metr tereŋdıktegı tömengı qabatty tolyq būzǧan.
«Būtaqty-2» eskertkışı üş qabattan tūrady. Mamandardyŋ aituynşa, ekınşı jäne üşınşı, iaǧni ortaŋǧy jäne joǧarǧy qabattary äzırge saqtalǧan. Alaida tömengı bölıkte ejelgı toǧyz tūrǧyn jai men şaruaşylyq qūrylystary bolǧan.
Zertteuşıler būl aumaqtan tas qūraldar men qyş būiymdardyŋ qaldyqtary tabylǧanyn atap öttı. Olardyŋ pıkırınşe, eskertkıştıŋ negızgı qūndylyǧy tek arheologiialyq jädıgerlerde emes, ejelgı tūrǧyn üilerdıŋ qūrylymy men qūrylys tehnologiialarynda jatyr.
Mamandardyŋ aituynşa, mūndai derekter ejelgı adamdardyŋ tūrmysyn, qolönerın jäne tabiǧi resurstardy paidalanu täsılderın zertteuge mümkındık berer edı.
