Almaty oblysynyŋ bırneşe auylynda sel jürdı

2529
Adyrna.kz Telegram
https://adyrna.kz/content/uploads/2023/07/photo-output-9.jpeg
Almaty oblysynyŋ bırneşe auylynda sel jürdı. Būl turaly oblystyq tötenşe jaǧdailar departamentı aitty, dep habarlaidy «Adyrna» tılşısı. 21 şılde künı saǧat 16:52-de Almaty oblysy TJD kezekşı bölımıne Qaraarşa auylynyŋ Degeres auyldyq okrugı eldı mekenınde nöser jauyn-şaşynnyŋ saldarynan eŋıs aǧyn bolǧany turaly habarlama kelıp tüsken.
«Almaty oblysy TJD, sondai-aq Jambyl audanynyŋ jergılıktı atqaruşy organdarynan 30 adam jäne 2 bırlık tehnika küşterı men qūraldary dereu oqiǧa ornyna jıberıldı. Oqiǧa ornyna kelgennen keiın jauyn-şaşynnyŋ saldarynan jäne tauly özenderdıŋ betkeilerınde 36 km (Şien auyly) jäne 54 km (Qaraarşa auyly) "Ūzynaǧaş-Besmoinaq" oblystyq maŋyzy bar avtomobil jolynda aǧynynyŋ qalyptasuy saldarynan avtojol tösemın tasqyn su şaiǧany anyqtaldy. Qoldanystaǧy jasandy qūrylystar (qūbyrlar) su aǧynyna tötep bere almady. Nöserlı kärız jüiesı jäne jasandy qūrylystar (qūbyrlar) joq, osyǧan bailanysty su aǧynyn aǧyzu jol tösemı arqyly jüredı. Jol boiynda ärtürlı fraksiialardyŋ lailary men tastarynan şögındıler paida boldy, saldarynan avtojoldyŋ osy uchaskelerınde kölık qozǧalysy jabyldy. Sondai-aq, ortaşa qysymdy gaz qūbyrynyŋ uchaskesı (şamamen 70-80 metr) bülınıp, Şien auyldyq okrugınıŋ Şien auylynyŋ ortalyq köşesınde ornalasqan 40-qa juyq üi auladaǧy qūrylystarda su tasqyny boldy»,—delıngen habarlamada.
Qazırgı uaqytta Ūzynaǧaş-Besmoinaq" oblystyq maŋyzy bar avtomobil jolynyŋ 54 km jol qozǧalysy qalypqa qeltırıldı. Jol tösemınde tastar men balşyqtan tazartu jūmystary , aryq jelılerı men Ūzynaǧaş-Besmoinaq tas jolynyŋ qūbyrly ötkelın tazartu jūmystary jürgızılude. Qaitys bolǧandar men zardap şekkender joq.
Pıkırler