Mäskeudıŋ Meşan audandyq soty saiasatker ärı qoǧam qairatkerı Mihail Hodorkovskiige syrttai ükım şyǧaryp, ony 10 jylǧa bas bostandyǧynan aiyrdy, dep habarlaidy «Adyrna» tılşısı DW-ge sılteme jasap.
Şeşım Resei Qaruly küşterın paidalanu turaly jalǧan aqparat taratu ısı boiynşa şyǧarylǧan. Prokuratura oǧan 14 jyl jaza sūraǧan, al qorǧau tarapy ony aqtaudy talap etken.
Sot qosymşa jaza da taǧaiyndaǧan, Hodorkovskiige 5 jyl boiy internette aqparat jariialauǧa, sondai-aq saittar men basqa da onlain-resurstardy basqaruǧa tyiym salyndy.
Qylmystyq ıstıŋ negızıne 2022 jyldyŋ qyrküiegı men 2024 jyldyŋ şıldesınde jariialanǧan materialdar alynǧan. Atap aitqanda, äleumettık jelıdegı Reseidıŋ soǧystaǧy yqtimal şyǧyndary turaly jazba jäne Kievtegı «Ohmatdet» balalar auruhanasyna jasalǧan soqqy jönındegı YouTube videosy qarastyrylǧan.
Prokuratura būl materialdarda Resei armiiasynyŋ äreketterı turaly «körıneu jalǧan aqparat» qamtylǧan dep esepteidı.
Aita keteiık, qazırgı taŋda Mihail Hodorkovskii Ūlybritaniiada tūrady.
