Osy apta “Qazaqmystyŋ” negızgı aksionerı, 70% ülesın ielenıp otyrǧan oligarh Vladimir Kim qataŋ äŋgımege şaqyrylmaq. Būl turaly DALA INSIDE jariialady, dep habarlaidy “Adyrna” ūlttyq portaly.
Aqparatqa säikes, oligarh şahtalardaǧy qauıpsızdıktı küşeituge qomaqty investisiia salmasa, onyŋ Qazaqstanda jūmys ısteuıne qatysty sūraqtar qoiylatyn bolady.
«Vise-premer Qanat Bozymbaevqa barlyq kart-blanş berıldı. Ol Qazaqstan Ükımetınıŋ atynan söileitın bolady. “Qazaqmys” aksionerlerı Vladimir Kim men Eduard Ogaidyŋ apatty tergeu kezınde alys şetelde emes, jaqyn maŋda jüruı talap etıldı. Ükımet şahta basşysy siiaqty orta deŋgeilı menedjerlermen emes, atalǧan ekı aksioner men korporasiianyŋ basqarma töraǧasy Nūrahmet Nūriev deŋgeiınde söilesetın bolady», - deidı DALA INSIDE derekközı.
Derekköz Vladimir Kimge zamannyŋ özgergenın, būrynǧydai mäselenı aqşa jäne tanystyqpen jauyp jüre almaitynyn qataŋ ūǧyndyryp qoiu boiynşa şeşım qabyldanǧanyn aitady.
Soŋǧy 4 jylda “Qazaqmys” şahtalarynda 13 adam öldı. 122 adam türlı jaraqat aldy. Negızgı apattardyŋ barlyǧy Ūlytau oblysyndaǧy köne şahtalarda oryn aluda. Ondaǧy qauıpsızdık deŋgeiınıŋ tömendıgı, qūral-jabdyqtarǧa investisiia bölınbegendıgı aiqyn baiqaldy. Būl «ArselorMittal Temırtau» keisıne ūqsaidy.
«Endı adamdar öletın bolsa, onda Vladimir Kim Lakşmi Mittal siiaqty elden ketuı mümkın. «Ädılettı Qazaqstan» būdan bylai öz azamattarynyŋ ölımıne mülde kelıspeidı. Kım bolsa da, qanşa salyq tölese de, eŋ bastysy el azamattary aman jüruı tiıs. Osy aptada ökılettı tūlǧa Kimge atalǧan pozisiiany jaqsylap tüsındıretın bolady», - deidı, derekköz.
Aita ketsek, “Qazaqmys” şahtalary men öndırısı «Qazaqmys korporasiiasy» jauapkerşılıgı şekteulı serıktestıgınıŋ ielıgınde. 2023 jyldyŋ qorytyndysy boiynşa korporasiia 110 milliard teŋge taza kırıs alyp keldı. Byltyrǧy jyldyŋ aldyn-ala esebı boiynşa osy jyly aksionerlerı kemınde 100 milliard teŋgege qol jetkıze alady.
