Bıyl halyq aqyny, ánshi, kompozıtor, óner qaıratkeri Nartaı Bekejanovtyń týǵanyna 135 jyl tolyp otyr.
Ol – qazaq ónerinde ózindik orny bar aıtysker aqyn, jyraý, halyqtyń rýhanı murasyn nasıhattaýshy tulǵa.
Nartaı Bekejanov 1890 jyly qazirgi Qyzylorda oblysy, Shıeli aýdanynda dúnıege kelgen. Jastaıynan aqyndyq pen ánshilikke jaqyn bolǵan ol sýyrypsalma ónerimen el ishinde keń tanyldy. Onyń shyǵarmalarynda halyqtyń turmys-tirshiligi, zaman shyndyǵy, eldik máseleler keńinen kórinis tapty. Aqynnyń ánderi erekshe maqamymen, áýezdiligimen jáne tereń mazmunymen erekshelenedi.
Aqyn 1935 jyly Shıeli aýdanynda kórkemdik jetekshi bolyp qyzmet atqaryp, keıin Qyzylordadaǵy estradalyq-konerttik zalda jumys istedi. 1939 jyly Qazaq KSR-iniń eńbek sińirgen óner qaıratkeri ataǵyna ıe boldy. Máskeýde ótken Búkilodaqtyq aýyl sharýashylyǵy kórmesinde, 1946 jyly qazaq ádebıeti men óneriniń Máskeýdegi dekadasynda, sondaı-aq respýblıkalyq aıtystarda óner kórsetti.
Nartaı Bekejanovtyń shyǵarmalary qazaq án óneriniń altyn qoryna endi. Onyń «Tolqyn», «Nartaı sazy», «Ahaý, jalǵan» sııaqty ánderi halyq arasynda keńinen tanymal. Aqynnyń shyǵarmalary birneshe ret jınaq bolyp jaryq kórdi.
Óner qaıratkeri «Qurmet belgisi» ordenimen, medaldarmen jáne Qazaq KSR Joǵarǵy Keńesiniń qurmet gramotasymen marapattalǵan. Aqynnyń ómiri men shyǵarmashylyǵy týraly Muhamedjan Rústemov «Nartaı» atty bıografııalyq eńbek jazǵan.
2010 jyly Qazaqstanda Nartaı Bekejanovtyń 120 jyldyǵy keń kólemde atalyp ótti.
