Bügın - Qazaqstannyŋ bırınşı jäne soŋǧy vise-prezidentı Erık Asanbaevtyŋ tuǧan künı, dep habarlaidy "Adyrna" tılşısı.
Erık Maǧzūmūly Qostanai oblysynyŋ tumasy. Ol 1936 jyly 10 nauryz künı ömırge kelgen.
Qazaqstannyŋ memleket qairatkerı, diplomat, ekonomika ǧylymdarynyŋ doktory 1959–1967 jyly QazMU (QazŪU)-da, odan bölek Mäskeu qarjy institutynda, Qazaq KSR-ı Memleket josparlau komitetınıŋ ǧylym-zertteu institutynda, Qazaq KSR-ı Qarjy ministrlıgı jüiesınde eŋbek etken.
1991 jyldan bastap QR-nyŋ vise-prezidentı bolyp taǧaiyndaldy. Keiınnen 1994–1996 jyly QR Prezidentı janyndaǧy adam qūqyqtary jönındegı komissiianyŋ töraǧasy qyzmetın atqardy. 1996 jyly qyzmettık ökılı toqtatylyp, sol jyldyŋ aqpan aiynan bastap 2000 jylǧa deiın Qazaqstannyŋ Germaniiadaǧy Tötenşe jäne ökılettı elşısı bolyp eŋbek ettı. Täuelsızdıktıŋ ırgetasyn qalauǧa eŋbek etken azamat Qazaqstan Respublikasynyŋ Germaniiadaǧy Elşısı qyzmetınde jürgende Berlin qalasynda Abaiǧa köşe atyn beruge de sebepkerlerdıŋ bırı bolǧan.
Elşılıkten soŋ Erık Asanbaev memlekettık qyzmetten şettetılgen.
Bırneşe saiasatker qoǧam qairatkerı turaly pıkır bıldırıp, öz estelıgımen bölısken. Serıkbolsyn Äbdıldin “Azattyqqa" bergen sūhbatynda Erık Asanbaev turaly:
"Nazarbaevqa qolynan ıs keletın adamdar keregı joq. Al vise-prezident Asanbaev «olai bolmasyn, bylai bolsyn» dep öz pıkırın aituy yqtimal edı. Al qūlaǧyna maza bermeitın ondai adamdy Nazarbaev jaqtyrmaidy. Öz betımen jūmys berse ol da qauıp, sol sebeptı şetelge jıberdı", - degen."Otan" ordenımen marapattalǧan bırınşı jäne soŋǧy vise-prezidentı 68 jasynda 2004 jyldyŋ 23 tamyzynda ömırden ozdy.
Ūqsas jaŋalyqtar
