Britandyq mūnai-gaz kompaniiasy Victoria Oil & Gas Energetikalyq hartiianyŋ erejelerıne süiene otyryp, Qazaqstanǧa qarsy şaǧym tüsıredı. Şaǧym İnvestisiialyq daulardy retteu jönındegı halyqaralyq ortalyqta (ICSID) tırkelgen, dep habarlaidy “Adyrna” ūlttyq portaly.
Energy Monitor derekterıne säikes, şaǧym resmi türde tırkelgen.
Victoria Oil & Gas 2005 jyly Saga Creek Gold Ltd-ten Kemerkol ken ornyndaǧy 100% ülestı 8,5 million dollarǧa satyp alǧan. Kompaniia bırneşe ūŋǧyma būrǧylap, mūnaidyŋ geologiialyq qoryn 15 million tonna dep baǧalaǧan. Alaida 2008 jyly belgısız sebeptermen jer qoinauyn paidalanu turaly kelısım-şart būzylǧan.
2008 jyly Kemerköl ken ornyndaǧy jer qoinauyn paidalanu qūqyǧyn Saga Creek Gold Ltd-ten “Baqyt Tau” JŞS 360 million teŋgege satyp alǧan.
Segız jyldan keiın, 2016 jyly, “Baqyt Tau” JŞS būl qūqyqty “Ap-Nafta Opereiting” JŞS-ne 1 360 million teŋgege tabystaǧan.
2023 jylǧy naqty öndırıs kölemı 14,7 myŋ tonna boldy. Belsendı ūŋǧymalar qory – 12 bırlık. Ortaşa sulanuy – 79%, delıngen jariialanymda.
Avtorlardyŋ aituynşa, ken orny jüzdegen million dollar tūratyndai auqymdy emes.
Olardyŋ boljamynşa, būl şaǧymnyŋ ekonomikalyqtan görı saiasi astary basym.
