Prezident Qasym-Jomart Toqaev Qytaimen vizasyz rejimge qatysty pıkır bıldırdı. Būl turaly Aqorda jazdy, dep habarlaidy “Adyrna” ūlttyq portaly.
17 mamyrda Qasym-Jomart Toqaev memlekettık saparmen Qytai Halyq Repsublikasyna bardy. Būl turaly Qytaidyŋ Sian qalasynda ötken "Ortalyq Aziia - Qytai" forumynda aityldy.
“Qazaqstan Qytai turisterı üşın tartymdy baǧyttyŋ bırı bola alady. 30 künge deiın vizasyz jüru turaly Ükımetaralyq kelısımge qol qoiyldy. Būl qadam elımızge Qytaidan turisterdıŋ köptep keluıne jol aşary sözsız, - dedı memleket basşysy qazaq-qytai döŋgelek üstelınde”.Ol bügınde jaŋa turistık baǧyttar aşylyp jatqanyn atap öttı.
«Qazır Qazaqstannyŋ 13 qalasyna «Aşyq aspan» rejimı engızıldı. Sondai-aq 80 memlekettıŋ azamatyna vizasyz keluge rūqsat berıldı», - dedı Qasym-Jomart Toqaev.Onyŋ aiuynşa, qazır «Astana» halyqaralyq qarjy ortalyǧynda 73 eldıŋ 1 800-den asa kompaniiasy tırkelgen. Onyŋ onnan bırı – Qytai kompaniialary. Būl – basqa eldermen salystyrǧanda eŋ jaqsy körsetkış.
«Jalpy elımızdegı investisiialyq ahual öte jaqsy. Kazakh Invest ūlttyq kompaniiasy şetelden investor şaqyryp, olarǧa «bır tereze» qaǧidaty boiynşa kömek körsetedı. Memleket basymdyq berılgen jobalardy barynşa qoldauǧa daiyn», - dedı prezident.Memleket basşysy Qazaqstan Qytaidyŋ «Bır beldeu – bır jol» bastamasyn jüzege asyru ısınde negızgı serıktestıŋ bırı ekenın aitty. Osylaişa, QHR Batys Euraziianyŋ auqymdy naryǧyna Qazaqstan arqyly şyǧa alady.
«Bız Sian qalasyndaǧy qūrǧaq portta Qazaqstannyŋ logistika ortalyǧyn saluǧa basa män berıp otyrmyz. Ortalyq Aziiaǧa, Europaǧa, Türkiia men İranǧa konteiner poiyzdaryn tıkelei jöneltu barysynda osy ortalyq negızgı hab bolady. Bız Qytaiǧa qarai «Aiagöz – Baqty» temır jolyn ıske qosudy josparlap otyrmyz. «Dostyq – Moiynty» arasyndaǧy temır jolǧa kürdelı jöndeu jürgızıledı. Nätijesınde temır jol arqyly jyl saiyn 20 mln tonnaǧa deiın jük tasymaldauǧa mümkındık tuady», - dedı Toqaev.Europa men Aziia arasyndaǧy tranzittı jandandyru üşın Transkaspii baǧdaryn damytu maŋyzdy. Būl baǧyttyŋ bolaşaǧy zor. Öitkenı, Qytaidan Europaǧa aparatyn töte jol – osy. Onyŋ ūzyndyǧy «Soltüstık dälızden» 2,5 myŋ şaqyrymǧa qysqa.
Qazaqstan Äzerbaijan, Gruziia jäne Türkiia elderımen bırlesıp, bıryŋǧai tarif saiasatyn qalyptastyruǧa kırıstı. Sonymen qatar ortaq sifrlyq platforma jasalady. Osy dälız arqyly jük tasymaldaudyŋ basqa da mäselelerı şeşımın tabady, - dep tüiındedı sözın prezident.Aita keteiık, 17 mamyrda Qasym-Jomart Toqaev memlekettık saparmen Qytai Halyq Repsublikasyna bardy. Oŋtüstıktegı körşımızdıŋ Sian qalasyndaǧy «Ortalyq Aziia – Qytai» forumynyŋ qarsaŋyndaǧy sapardyŋ alǧaşqy künınde-aq, ekı el basşylary bırqatar maŋyzdy qūjatqa qol qoidy.
Ūqsas jaŋalyqtar
