Qaraǵandyda 25 jeltoqsan kúni KSRO-nyń qurylǵanyna 100 jyl tolýyna oraı mıtıng ótti. Bul týraly Sergeı Tereenko degen azamat TıkTok paraqshasyna vıdeo jarııalady, dep habarlaıdy “Adyrna” ulttyq portaly.
Aıtýynsha, 25 jeltoqsanda ótken bul mıtıngke bılik ruqsat etken.
“Búgin Qaraǵandyda tynysh shaǵyn mıtıng ótti. Qala turǵyndarynyń shaǵyn toby KSRO-nyń qurylǵanyna 100 jyl tolýyna arnalǵan mereıtoıdy atap ótýge sheshim qabyldady. Ras, KSRO 1922 jyly 30 jeltoqsanda quryldy, biraq bizdiń belsendiler bul kúndi aldyn ala belgiledi. Óıtkeni, 30 jeltoqsanda bolatyn mıtıngke bılik kelispeýi múmkin dep esepteımiz. Al 25 jeltoqsanǵa ruqsat berdi”,- dep jazdy ol.
Sondaı-aq, jeli belsendisi mıtıngtiń sheshimimen bólise ótti.
“Mıtıngtiń rezolıýııasy: 1)Qaraǵandyny jazda ystyq sýmen qamtamasyz etý; 2) Laýazymdy adamdardan azamattardyń ótinishterine ýaqtyly jaýap berýdi talap etý; 3) Qaraǵandy qalasynda 5G munaralaryn ornatýǵa tyıym salynsyn”,-dep jazdy.
