Jambyl oblysy, T. Rysqulov aýdanyna qarasty Qyzylsharýa aýylynda Naýryz meıramyn toılaý kezinde kútpegen oqıǵa oryn aldy. Teatrlandyrylǵan qoıylym barysynda jylqy úrkip, sahna mańynda otyrǵan kórermenderge qaraı shaýyp ketken, dep habarlaıdy “Adyrna” ulttyq portaly.
Aýdan ákimdigi oqıǵaǵa qatysty túsinikteme berdi.
“22 naýryz 2025 jyly T. Rysqulov aýdany, Aqbulaq aýyldyq okrýginiń Qyzylsharýa aýylynda ótken Naýryz meıramynda teatrlandyrylǵan qoıylym kezinde jylqy shoshyp, kórermenderge qaraı shabýyldady. Abyroı bolǵanda, zardap shekkender joq. Oqıǵadan keıin mereke óz jalǵasyn tapty.”
Oqıǵa ornynan túsirilgen beınejazbalar áleýmettik jelilerde keńinen taralýda. Alǵashqyda oqıǵa Mańǵystaý oblysynda boldy degen aqparat taraǵanymen, keıinirek onyń Jambyl oblysynda bolǵany anyqtaldy.
Beınejazbada jylqynyń shabandozdyń basqarýynan shyǵyp, kórermender otyrǵan jaqqa qaraı shaýyp ketkeni kórinedi. Keıbir adamdar qulap, balalardyń jylaǵan daýysy estilgen. Alaıda, jylqy kópke uzamaı oqıǵa ornynan alystap ketken.
Ulttyq oıyn kezinde jasóspirim jaraqat aldy.
Aıta keteıik, Pavlodarda da 2008 jyly týǵan bala ulttyq oıyn – "Qunan báıgege" qatysyp, jaraqat alǵan. Shabandozdyq jarys kezinde at úrkip, jaryq baǵanasyna soǵylǵan. Jasóspirim qulap, saldarynan aýyr bas-mı jaraqatyn alyp, jansaqtaý bólimine jetkizildi.
