Memleket basshysy Qasym-Jomart Toqaev «Ana tili» gazetine bergen suhbatynda Talǵardaǵy qylmystyq oqıǵaǵa qatysty pikir bildirdi, dep habarlaıdy “Adyrna” ulttyq portaly.
«Qaıtalap aıtamyn, elimizde «Zań men tártip» qaǵıdaty myzǵymastaı ornyǵýǵa tıis. Men Talǵar oqıǵasyna deıin jarııalaǵan Joldaýymda quqyq qorǵaý organdarynan qylmys pen qaraqshylyqtyń tamyryna balta shabýdy talap ettim.
Talǵardaǵy oqıǵadan keıin quqyq qorǵaý organdary qajetti sharalardyń bárin qabyldady. Kúdiktiler qamaýǵa alyndy. Tergep-tekserý jumystary aıaqtalýǵa jaqyn. Kóp uzamaı osy iske qatysty sot bolady. Bul oqıǵaǵa oraı quzyrly organdar qabyldaǵan barlyq shara zań talaptaryna tolyq saı keledi. Al basqanyń bári – qur daqpyrt pen teris pıǵyldy keıbir toptardyń osy jaǵdaıǵa saıası sıpat berýge degen umtylysy ǵana. Buǵan jol berýge bolmaıdy.
Osy oqıǵaǵa qatysy bar azamattar boıynsha myna máseleni eske salǵym keledi. Qazaq halqy shetelden kelgen otandastaryn «qandasym» dep, qushaq jaıa qarsy aldy. Tarıhı Otanyna oralǵandar Qazaqstannyń zańdaryna qatań baǵynyp, qoǵamdyq tártipti saqtap, zańsyz áreketterden aýlaq bolýy kerek. Olar buryn ózderi turǵan elde bıliktiń talabyn saqtap, ondaı áreket jasaǵan joq qoı?!» - dedi Toqaev.
