Şerzat Bolattyŋ ölımıne qatysty ūstalǧan bır küdıktınıŋ anasy ädıl tergeu jürgızudı sūrap, ündeu jasady, dep habarlaidy "Adyrna" ūlttyq portaly.
Beine ündeu Kozackov Telegram arnasynda jariialanǧan.
Küdıktınıŋ anasy ūly men dosy qaiǧyly oqiǧa ornynda mülde bolmaǧanyn aitqan. Alaida qazır küdıktıler qylmys turaly habar bermegenı üşın aiyptalyp otyrǧan körınedı.
“Men Kazakenova Leila marqūm Şerzat Bolattyŋ otbasyna qaiǧyryp köŋıl aitamyn. Ana retınde olardyŋ qaiǧylaryn tüsınemın, qaiǧylaryna ortaqtasamyn. Osy oqiǧaǧa qatysty prezidentke, ışkı ıster ministrıne jäne elımızdıŋ bas prokuroryna jügınemın. BAQ-ta bastapqyda 13 adamnyŋ qatysy bar ekenın aitqan, bıraq ıs jüzınde 7 adam ǧana ūstalǧan. Sandy toltyru üşın qalǧandaryn jazyqsyz ūstaǧan. Olardyŋ arasynda menıŋ ūlym Kazakenov Arlan men dosy Rozbakiev Iýldaş bar. Olar qazır qylmys turaly habar bermegenı üşın aiyptalyp otyr”, – deidı ol.Äiel adam ūly men dosy oqiǧa ornyna müldem barmaǧanyn aityp, ädıldıktı sūraauda. Qalǧan küdıktılermen qylmystan keiın ǧana kezdesken.
"Şyn mänınde olar qylmys ornynda bolmaǧan. Oqiǧanyŋ barlyǧy bolyp, bıtkennen keiın ǧana er adamnyŋ ekı adamdy kölıkke otyrǧyzyp, alyp kete bara jatqan jerınıŋ ǧana kuäsı bolǧan. Mersedes kölıgınıŋ ızdestırılıp jatqanyn estıgen. Menıŋ ūlym tanysy Nūrqiiasqa habarlasyp, ne bolǧanyn sūraidy. Ol ūlym men dosyn Rysqūlov auylyna janyna şaqyrady. Dosy ekeuı barady. Nūrqiias jalǧyz emes eken, jandarynda alty adam bolǧan. Talǧarǧa qarai barǧan, jolda kezdesken, aralarynda ūrys bolǧan, artynşa polisiia alyp ketken. Olardan tüsınıkteme alyndy, artynşa jıberıldı. 13 qazan künı ūlym men dosy 48 saǧatqa ūstaldy. Artynşa 2 aiǧa qamauǧa alyndy. Olardy ne sebeptı qamauǧa alynǧanyn tüsınbedım. Ūstalǧan 13 adamnyŋ ornyn tolyqtyru üşın jasalyp otyr ma? Oqiǧa ornyna barmasa da, küdıkke ılınıp otyr. Olar tıptı ne bolǧanyn da bılmeidı. Oqiǧa ornynda bolǧan ekı qyz qamauda emes, alaida ūlym men dosy qamauda. Men ädıl tergeu talap etemın”, – deidı äiel.
Ūqsas jaŋalyqtar
