Eurasian Resources Group (ERG) jáne "Eýrazııalyq qarjy kompanııasynyń" iri akıoneri Aleksandr Mashkevıchtiń qaıtys bolǵany týraly aqparatty ERG baspasóz qyzmeti rastady, dep habarlaıdy "Adyrna" ulttyq portaly KazTAG-qa siltep.
Eldegi iri qarjylyq alpaýyttyń biri Mashkevıch Qazaqstandaǵy eń tanymal kásipkerlerdiń biri boldy. Ol ENRC kompanııasynyń negizin qalaýshylardyń biri ári akıoneri retinde tanymal. Sondaı-aq, Eurasian Resources Group (ERG) dırektorlar keńesiniń tóraǵasy qyzmetin atqardy.
Qazaqstanǵa qosa Izraıl azamaty ekeni aıtylatyn "Qazaq-Izraıl olıgarhy" atalatyn Aleksandr Mashkevıch 72 jasynda qaıtys boldy. Onyń baılyǵy shamamen 4 mıllıard dollardy quraıdy.
ERG quramyna "Qazhrom" transulttyq kompanııasy, Sokolov-Sarybaı taý-ken baıytý óndiristik birlestigi, "Qazaqstan alıýmınııi", Qazaqstan elektrolız zaýyty jáne basqa da kásiporyndar kiredi.
Bıznesmen "Eýrazııalyq qarjy kompanııasy" men "Eýrazııalyq bank" dırektorlar keńesteriniń tóraǵasy, Qazaqstan Prezıdenti janyndaǵy Sheteldik ınvestorlar keńesiniń múshesi, sondaı-aq QR at sporty federaııasynyń qurmetti prezıdenti bolǵan.
Bıznesin 4 qurlyqta júrgizetin Aleksandr Mashkeevıchtiń aıyqpas aýyr dertke shaldyǵyp, uzaq ýaqyt aýyrǵany belgili boldy.
