Eks-prezident Nūrsūltan Nazarbaevtyŋ baspasöz hatşysy Aidos Ükıbai Qazaqstannyŋ būrynǧy bırınşı hanymy Sara Nazarbaevanyŋ “qaitys bolǧany” turaly aqparatty joqqa şyǧardy, dep habarlaidy “Adyrna” ūlttyq portaly.
«Otandyq BAQ jurnalisterınıŋ Sara Alpysqyzyna qatysty saualyna jauap bere otyryp, jelıde taraǧan onyŋ qaitys bolǧany turaly aqparattyŋ şyndyqqa janaspaitynyn mälımdegım keledı», - dep jazdy Aidos Ükıbai özınıŋ X äleumettık jelısındegı paraqşasynda.
83 jastaǧy Sara Nazarbaevanyŋ qaitys bolǧany turaly aqparat bır kün būryn paida bolǧan edı.
Eske salaiyq, byltyr Sara Nazarbaeva resmi küieuınıŋ familiiasynan şyqqany turaly aqparat taraǧan bolatyn.
«Nūrsūltan Nazarbaev pen Sara Nazarbaevanyŋ nekesı būzylǧany (jäne säikesınşe jaŋa otbasyn qūru turaly) turaly resmi mälımdemeler eşqaşan bolǧan emes. Al Nūrsūltan Nazarbaev qorynyŋ resmi saittarynda jäne tūŋǧyş prezidenttıŋ nazarbayev.kz resmi saitynda Sara Alpysqyzy älı künge deiın tūŋǧyş prezidenttıŋ jūbaiy ekenı turaly aqparat körsetılgen. Alaida bırneşe jyldan berı jaŋalyqtardan Sara Nazarbaeva turaly eşqandai aqparat şyqqan joq. Onyŋ körınbei ketkenıne de bıraz boldy. Byltyrdan berı Bılım ministrlıgı onyŋ «Özın-özı tanu» pänın mındettı mektep baǧdarlamasynan alyp tastap, fakultativ retınde qaldyrǧan bolatyn. Özın äielder ısterı jäne otbasylyq-demografiialyq saiasat jönındegı komissiianyŋ qūramynan şyǧaryp jıbergen. Biznes-tızılımderge säikes, elımızdıŋ eks-Bırınşı hanymynyŋ «Sara Alpysqyzy Nazarbaeva» atty jeke käsıpkerlıgı bar. Al onyŋ basşysy Qonaqai Sara Alpysqyzy dep körsetılgen», - delıngen Shishkin_like Telegram arnasy taratqan habarlamada.
Qazaqstan Halyq Bankınıŋ ömırdı saqtandyru boiynşa enşıles ūiymy «Halyk-Life» AQ filialynda 2012 jylǧy 4 aqpannan bastap Qarjy ministrlıgınıŋ qarjylyq eseptılık depozitariiınde ol Qonaqaeva bolyp tırkelgen.
Al 2005 jyly küieu balasy Timur Qūlybaev basqarǧan «Almex Holding Group» AQ-nyŋ 2005 jylǧy 19 qyrküiektegı enşıles ūiymdarynyŋ tızımınde ol Nazarbaeva bolyp körsetılgen. «Böbek» qaiyrymdylyq qorynyŋ negızın qalauşynyŋ Instagram jelısındegı paraqşasy 2018 jyldyŋ 15 säuırınen berı jaŋartylmaǧan, ol jerde onyŋ familiiasy Nazarbaeva dep jazylǧan.
Nazarbaevtyŋ resmi äielı ata-tegın 2005 jäne 2012 jyldar aralyǧynda almastyrdy degen de derek te kezdestı.
Sonymen qatar, Nūrsūltan Nazarbaev beiresmi ekınşı äielı Äsel Qūrmanbaeva degen qauesettı rastap, «Menıŋ ömırım» atty ömırbaian kıtabynda jazǧan bolatyn.
“Neke mūsylmannyŋ ädet-ǧūrpymen qiylyp, būl nekeden ekı ūl düniege keldı,"- dep jazady Nazarbaev öz estelıgınde.
