Ūlytau oblysynda jantürşıgerlık jol apaty boldy, dep habarlaidy "Adyrna" ūlttyq portaly.
26 mamyr künı saǧat 14:15-te Jezqazǧan – Petropavl respublikalyq maŋyzy bar avtojolda, Sätbaev qalasynan Jezdı kentıne deiıngı uchaskede ekı kölık bır-bırımen soqtyǧysqan.
Polisiia mälımetınşe, 2002 jyly tuǧan jürgızuşınıŋ basqaruyndaǧy Mercedes-Benz 190 markaly avtokölıgı qarsy jolaqqa şyǧyp ketken. Ol 1978 jyly tuǧan jürgızuşınıŋ basqaruyndaǧy Chevrolet Nexia markaly maşinamen betpe-bet soqtyǧysty.
Oqiǧa ornynda tört adam qaza tapty. Chevrolet Nexia kölıgınıŋ jürgızuşısı, onyŋ 1978, 1981 jäne 1971 jyly tuǧan üş äiel jolauşysy, odan bölek 2002 jyly tuǧan Mercedes-Benz 190 kölıgınıŋ bır jolauşysy qaitys bolǧan.
Al Mercedes-Benz 190 kölıgınıŋ jürgızuşısı jäne onyŋ 2002 jyly tuǧan äiel jolauşysy Jezqazǧan qalasynyŋ ortalyq auruhanasyna jetkızıldı. Jol apatyna ūşyraǧandardyŋ Ūlytau oblysynyŋ Tötenşe jaǧdailar basqarmasynyŋ kışı serjanttary ekenı anyqtaldy.
Odan bölek, Chevrolet Nexia jolauşylary 1999 jyly tuǧan äiel jäne 2023 jyly tuǧan qyz türlı jaraqatpen Jezqazǧan qalasynyŋ ortalyq auruhanasyna jatqyzylǧany belgılı boldy.
Ūqsas jaŋalyqtar
