Batys Qazaqstan oblysynda respublikalyq maŋyzy bar infraqūrylymdyq nysan – «Aqtöbe-Oral-RF şekarasy» avtojolynyŋ 265-şaqyrymynda, Podstepnoe auyly tūsynda salynǧan ekı deŋgeilı jol airyǧy paidalanuǧa berıldı.
Aşylu räsımıne oblys äkımı Nariman Töreǧaliev, «QazAvtoJol» ŪK» AQ basqarma töraǧasy Darhan İmanaşev jäne kompaniia qyzmetkerlerı, merdıger ūiym ökılderı men jergılıktı tūrǧyndar qatysty.
“Memleket basşysy özınıŋ halyqqa Joldaularynda elımızdıŋ kölık-logistika salasyn jaŋǧyrtudy airyqşa atap ötıp, būl baǧytty ūlttyq ekonomikany küşeitudıŋ negızgı tetıkterınıŋ bırı retınde körsettı. Bügın ıske qosylyp otyrǧan ekı deŋgeilı jol airyǧy – jol qozǧalysyn qauıpsız ärı üzdıksız qamtamasyz etuge arnalǧan zamanaui injenerlık şeşım. Jaŋa jol toraby kölık aǧynyn rettep, qozǧalysty aitarlyqtai jeŋıldetedı. Būl – oblystyŋ özge öŋırlermen jäne Resei Federasiiasymen kölık bailanysyn jaqsartyp, ekonomikalyq yqpaldastyqty tereŋdetuge zor serpın beretın maŋyzdy qadam”, - dedı öŋır basşysy Nariman Töreǧaliev.
«QazAvtoJol» ūlttyq kompaniiasynyŋ basqarma töraǧasy Darhan İmanaşev atqarylǧan jūmystardyŋ salalyq jaŋǧyrtudaǧy jüielı maŋyzyn atap öttı:
«Bügın aşylǧan uchaskeler öŋırdıŋ kölık qoljetımdılıgın tübegeilı özgertedı. Ärbır jaŋa şaqyrym – ekonomikanyŋ, şaǧyn jäne orta biznestıŋ, turizmnıŋ damuyna, halyqtyŋ ömır sapasynyŋ artuyna aşylǧan jaŋa mümkındık. Sonymen bırge bız biyl qaita jaŋǧyrtu jūmystary bastalǧan “Syrym” ötkızu punktın tolyqtai jaŋartyp, ony halyqaralyq deŋgeidegı zamanaui logistikalyq ortalyqqa ainaldyrudy bastady».
Atalǧan jol toraby – «Podstepnoe-Fedorovka-Resei Federasiiasy şekarasy» baǧyty boiynşa jürgızılıp jatqan ırı qaita jaŋǧyrtu jūmystarynyŋ maŋyzdy bölıgı. Jobanyŋ jalpy ūzyndyǧy – 144 şaqyrym. Bügıngı taŋda 72 şaqyrym jol tolyq jöndelıp, kölık qozǧalysy aşyldy. Būl jūmystardy «QazAvtoJol» AQ jüzege asyrdy.
Qalǧan 72 şaqyrymda qaita jaŋǧyrtu jūmystary KPO b.v. kompaniiasynyŋ qoldauymen jürgızılıp jatyr. Joba tolyqtai 2026 jyly aiaqtalady dep josparlanuda.
2025 jyly öŋırde respublikalyq maŋyzy bar avtomobil joldarynyŋ 260 şaqyrym joldarda negızgı jūmystar tolyq aiaqtaldy. Onyŋ ışınde «Podstepnoe – Fedorovka» avtojolynyŋ 72 şaqyrymyn qaita jaŋartu, «Önege – Bisen – Saiqyn» baǧytynyŋ 103 şaqyrymyn kürdelı jöndeu, sondai-aq Han Ordasy auylyna kıreberıs jolynyŋ 21 şaqyrymy men Aqtöbe – Oral avtojolynyŋ 64 şaqyrymdyq jolǧa ortaşa jöndeu jürgızıldı.
