Batys Qazaqstan oblysynda Ūstazdar künıne arnalǧan saltanatty şara öttı. Merekelık jiyn «Atameken» öner ordasynda toilandy. «Ūstazǧa taǧzym – ūrpaqqa amanat»atty saltanatty keşke segız jüzden asa sala mamandary şaqyryldy.
Ruhani mazmūny tereŋ, taǧylymy mol merekelık şaraǧa öŋırdıŋ bılım beru salasynyŋ ardagerlerı men üzdık pedagogterı, audan-qalalardan arnaiy şaqyrylǧan qonaqtar men jas mamandar qatysty. Merekelık keşte Batys Qazaqstan oblysynyŋ äkımı Nariman Töreǧaliev qūttyqtau söz söilep, ūstazdyq qyzmettıŋ qoǧamdaǧy orny men maŋyzyna erekşe toqtaldy.
– Mamandyqty jürek qalauymen taŋdaǧan ärbır mūǧalım – qajyrly eŋbektıŋ, sarqylmas şydamnyŋ, şeksız süiıspenşılıktıŋ iesı. Sondyqtan da ūstaz – qaşanda qūrmet pen senımnıŋ biık törınde. El erteŋı – jas ūrpaqty tärbieleu ısınde sızderdıŋ eŋbekterıŋız ölşeusız. Ūstazǧa taǧzym – bolaşaqqa jasalǧan investisiia, – dedı aimaq basşysy Nariman Töreǧaliūly.
Saltanatty jiynda öŋırdıŋ bırqatar üzdık pedagogterı arnaiy marapattarǧa ie boldy. Atap aitqanda, Tasqala audanyndaǧy «Säulet» mektep-liseiınıŋ direktory, matematika pänınıŋ mūǧalımı Aqqanym Bisalieva — «Eren eŋbegı üşın» medalımen, Qaidar Qapanov atyndaǧy Oral halyqaralyq gimnaziiasynyŋ bas direktory Qaidar Qapanov — «Qazaqstan Respublikasynyŋ Konstitusiiasyna 30 jyl» merekelık medalımen, S.Seifullin atyndaǧy №11 oblystyq mamandandyrylǧan mektep-lisei-internatynyŋ matematika pänınıŋ mūǧalımı Gülmiram Mūsaǧalieva — «Batys Qazaqstan oblysynyŋ bılım beru salasyna qosqan ülesı üşın»tösbelgısımen marapattaldy.
Sonymen qatar käsıbi mereke qarsaŋynda bır top ūstazdar QR Oqu-aǧartu ministrlıgınıŋ «Eŋbek ardagerı» medalıne, «Qūrmet gramotasyna», BQO äkımınıŋ Alǧys hatyna, sondai-aq oblystyq bılım basqarmasynyŋ «Bılım beru salasyna qosqan ülesı üşın» tösbelgısıne ie boldy.
Ūstazdardyŋ eŋbegı tek oblys kölemınde ǧana emes, el deŋgeiınde de joǧary baǧalandy. Mūǧalımder künıne orai elordada ötken saltanatty qabyldauda Batys Qazaqstan oblysynan üş bırdei ūstaz joǧary memlekettık nagradalarmen marapattaldy. Būl – öŋır pedagogterınıŋ sapaly bılım men tärbienı ūrpaqqa sıŋırudegı tynymsyz eŋbegınıŋ jarqyn körınısı.
Saltanatty keş konserttık baǧdarlamaǧa ūlasyp, önerpazdar ūstazdarǧa arnalǧan jürekjardy änder men äsem bi tartu ettı.
Osylaişa, qazan aiynyŋ alǧaşqy aptasy – ūstazdardy ūlyqtauǧa arnalǧan erekşe künderdıŋ bırı retınde taǧy da jarqyn estelıkke ainaldy. Ūstaz aty – biık, märtebesı – mäŋgı. Öitkenı olar – bolaşaqqa jol sılteitın şamşyraq.
