Ūlystyŋ ūly künı qarsaŋynda qazaq tarihyna qatysty tyŋ derek tabyldy, dep habarlaidy “Adyrna” ūlttyq portaly.
Būl turaly Eldes Orda Facebook paraqşasynda jazdy.
Onyŋ sözınşe, 1907 jyly şyqqan «İskry» jurnalynda II Memlekettık Dumaǧa müşe bolǧan qazaq qairatkerlerınıŋ būryn belgısız beinesı saqtalǧany anyqtaldy.
«İskry» — 1901-1917 jyldary «Russkoe slovo» gazetıne qosymşa retınde şyqqan surettı jurnal. Ondaǧy «Dumadaǧy mūsylman fraksiiasy» atty surettı habarda patşalyq Resei qūramyndaǧy mūsylman deputattary beinelengen. Olardyŋ arasynda tört qazaq qairatkerı bar. Bırınşısı - Mūhamedjan Tynyşbaiūly (Jetısu oblysy), ekınşı - Baqytjan Qarataiūly (Oral oblysy), üşınşı - Ahmet Bırımjanūly (Torǧai oblysy), törtınşı - Şaimerden Qosşyǧūlūly (Aqmola oblysy).
Būl jaŋalyq Alaş tarihyn zertteuşıler üşın qūndy derek bolmaq. Ūlt qairatkerlerınıŋ beinesı olardyŋ qoǧamdyq-saiasi qyzmetın tereŋırek zertteuge mümkındık beredı.
Ūqsas jaŋalyqtar
