Qazaqstan prezidentı Qasym-Jomart Toqaev Mäskeude Euraziialyq ekonomikalyq forumda söilegen sözınde Resei men Belarus odaqtyq memleketterı turaly aitty, dep habarlaidy “Adyrna” ūlttyq portaly.
Toqaev Euraziia ekonomikalyq odaǧy (EAEO) qūramynda Resei men Belarus memleketı bar ekenın, alaida būl ūiymda Qazaqstan, Qyrǧyzstan jäne Armeniia siiaqty integrasiianyŋ basqa deŋgeiındegı memleketter de baryn eske saldy.
"Bız nazarǧa aluymyz kerek konseptualdy şyndyq nemese erekşelık bar - būl Belarus pen Reseiden tūratyn Odaqtyŋ EAEO-da boluy. Būl odaqtyŋ tūjyrymdamalyq jäne ideologiialyq negızı aitarlyqtai salmaqty. Būl qoǧam moiyndaǧan özara mädeni, tıldık, dıni bıregeilık. Iаǧni bır halyqtyŋ bar ekenın moiyndau", – dedı Qasym-Jomart Toqaev.
Prezidenttıŋ aituynşa, Resei men Belarustıŋ EAEO aiasyndaǧy odaqtastyǧy älem tarihynda bolmaǧan täjıribenı tuyndatyp otyr.
"Älemdık saiasi tarihta bıryŋǧai saiasi-qūqyqtyq, valiutalyq, mädeni-gumanitarlyq keŋıstıgı bar "Ekı el – bır memleket" formulasy boiynşa memleket qūrudyŋ bıregei ülgısı jasalyp otyr. Bırtūtas odaqtyq ükımet, bırtūtas odaq parlamentı bar. Keşırıŋızder, tıptı iadrolyq qaru da qazır ekıge bıreu", – dedı Qazaqstan prezidentı.
Memleket basşysy Euraziialyq ekonomikalyq odaqtyŋ öz ışınde integrasiianyŋ qos modelı qalyptasqanyn aityp, Qazaqstan, Qyrǧyzstan, Armeniia ūstanǧan baǧytpen sanasu kerektıgın atap öttı.
"Qazaqstan, Qyrǧyzstan jäne Armeniia ūsynatyn integrasiianyŋ taǧy bır deŋgeiı bar. Bız būl şyndyqty eskeruımız kerek. Būl jaǧdaida bız qalai jūmys ısteimız? Būl konseptualdy mäsele. Menıŋ oiymşa, būl mäselenı osy ekonomikalyq forumda talqylau kerek”, – dep tüiındedı memleket basşysy.
Aita ketu kerek, Qasym-Jomart Toqaev öz sözınde EAEO-nyŋ negızgı qaǧidattaryn da eske saldy.
