Qazaqstan prezıdenti Qasym-Jomart Toqaev Máskeýde Eýrazııalyq ekonomıkalyq forýmda sóılegen sózinde Reseı men Belarýs odaqtyq memleketteri týraly aıtty, dep habarlaıdy “Adyrna” ulttyq portaly.
Toqaev Eýrazııa ekonomıkalyq odaǵy (EAEO) quramynda Reseı men Belarýs memleketi bar ekenin, alaıda bul uıymda Qazaqstan, Qyrǵyzstan jáne Armenııa sııaqty ıntegraııanyń basqa deńgeıindegi memleketter de baryn eske saldy.
"Biz nazarǵa alýymyz kerek koneptýaldy shyndyq nemese erekshelik bar - bul Belarýs pen Reseıden turatyn Odaqtyń EAEO-da bolýy. Bul odaqtyń tujyrymdamalyq jáne ıdeologııalyq negizi aıtarlyqtaı salmaqty. Bul qoǵam moıyndaǵan ózara mádenı, tildik, dinı biregeılik. Iaǵnı bir halyqtyń bar ekenin moıyndaý", – dedi Qasym-Jomart Toqaev.
Prezıdenttiń aıtýynsha, Reseı men Belarýstiń EAEO aıasyndaǵy odaqtastyǵy álem tarıhynda bolmaǵan tájirıbeni týyndatyp otyr.
"Álemdik saıası tarıhta biryńǵaı saıası-quqyqtyq, valıýtalyq, mádenı-gýmanıtarlyq keńistigi bar "Eki el – bir memleket" formýlasy boıynsha memleket qurýdyń biregeı úlgisi jasalyp otyr. Birtutas odaqtyq úkimet, birtutas odaq parlamenti bar. Keshirińizder, tipti ıadrolyq qarý da qazir ekige bireý", – dedi Qazaqstan prezıdenti.
Memleket basshysy Eýrazııalyq ekonomıkalyq odaqtyń óz ishinde ıntegraııanyń qos modeli qalyptasqanyn aıtyp, Qazaqstan, Qyrǵyzstan, Armenııa ustanǵan baǵytpen sanasý kerektigin atap ótti.
"Qazaqstan, Qyrǵyzstan jáne Armenııa usynatyn ıntegraııanyń taǵy bir deńgeıi bar. Biz bul shyndyqty eskerýimiz kerek. Bul jaǵdaıda biz qalaı jumys isteımiz? Bul koneptýaldy másele. Meniń oıymsha, bul máseleni osy ekonomıkalyq forýmda talqylaý kerek”, – dep túıindedi memleket basshysy.
Aıta ketý kerek, Qasym-Jomart Toqaev óz sózinde EAEO-nyń negizgi qaǵıdattaryn da eske saldy.
