İtaliialyq Il Foglio basylymy tolyqtai jasandy intellekt arqyly jazylǧan alǧaşqy gazet nömırın şyǧardy, dep habarlaidy "Adyrna" ūlttyq portaly The Guardian-ǧa sıltep.
Redaktor Klaudio Cherasanyŋ aituynşa, būl erekşe täjıribe jasandy intellekt tehnologiialarynyŋ qazırgı jurnalistikaǧa qalai äser etetının körsetu üşın jasalǧan.
"Būl älemdegı alǧaşqy kündelıktı gazet, ony tolyǧymen jasandy intellekt jazdy: maqalalar, taqyryptar, tıptı pıkırler men sarkazmǧa toly däieksözder de jasandy intellekttıŋ jūmysy", — dedı Cherasa.
Arnaiy şyǧarylym 18 nauryzda jaryq kördı jäne tört betten tūrady. Ol qaǧaz jäne onlain nūsqada qoljetımdı.
Būl basylymda dästürlı jurnalistikaǧa tän tereŋ taldau, sūhbattar men jeke pıkırler joq. Jasandy intellekt tek faktılerdı ūsynumen şekteldı. Jurnalister tek neirondyq jelıge sūraq qoiyp, onyŋ jauaptaryn tekserıp otyrdy.
Cherasa būl eksperimenttıŋ jaŋalyqtar jasauda jasandy intellekttıŋ mümkındıkterın baǧalauǧa kömektesetının atap öttı.
Aita keteiık, biyl Alem.ai halyqaralyq jasandy intellekt ortalyǧynyŋ aşyluy josparlanyp otyr.
Ūqsas jaŋalyqtar
