Bügın, 17 qaraşada memleket basşysy Qasym-Jomart Toqaev Qazaqstan Respublikasynyŋ "Jasandy intellekt turaly" zaŋyna qol qoidy, dep habarlaidy "Adyrna".
Atalǧan zaŋda jasandy intellekt jüielerınıŋ jūmys ısteuınıŋ negızgı qaǧidattary engızılgen.
Jasandy intellekt jüielerı aqparattandyru nysany retınde anyqtaldy. Endı jasandy intellekt adamnyŋ belgılı bır mındetterdı oryndau qūraly retınde qarastyrylady.
Osyny eskere otyryp, zaŋda jauapkerşılık jäne baqylau qaǧidattary bekıtıldı. Soǧan säikes, menşık ielerı men paidalanuşylar jasandy intellekt jüielerın qoldanu kezınde özınıŋ atqaratyn rölıne qarai jauap beredı.
Menşık ielerı men paidalanuşylarǧa jasandy intellekt jüielerınıŋ jūmys ısteuı mäselelerı boiynşa täuekelderdı basqaru, qauıpsızdık pen senımdılıktı qamtamasyz etu, qoldau körsetu mındetterı jüktelgen.
Sonymen qatar zaŋdylyq, ädılettılık, teŋdık, aşyqtyq jäne tüsınıktılık, adam igılıgıne basymdyq beru, onyŋ şeşım qabyldaudaǧy erkındıgı, derekterdı qorǧau jäne qūpiialylyq, qauıpsızdık pen qorǧanys qaǧidattary bekıtıldı.
Jeke jäne zaŋdy tūlǧalardyŋ qūqyqtaryn qorǧau, sondai-aq qūqyqtyq tärtıptı qamtamasyz etu maqsatynda Qazaqstan Respublikasynyŋ aumaǧynda bırqatar mümkındıkterge ie jasandy intellekt jüielerın qūruǧa jäne paidalanuǧa tyiym salyndy (tüpsanalyq, manipuliasiialyq nemese jeke derekter turaly zaŋnamany būzu arqyly jeke derekterdı jinau jäne öŋdeu ädısterın qoldanu; basqa da mümkındıkter).
Jasandy intellektını qoldanu nätijesınde jasalǧanynan habardar bolu üşın mūndai tauarlardy, jūmystardy jäne körsetıletın qyzmetterdı taŋbalau talaby engızıldı.
Jasandy intellekt jüielerın jasauǧa jäne üdemelı damytuǧa arnalǧan platformalar qūrudyŋ älemdık täjıribesın eskere otyryp, ūlttyq jasandy intellekt platformasynyŋ qyzmetıne qatysty zaŋnamalyq negızder qalyptastyryldy.
Platforma şekteulı merzım ışınde baǧdarlamalyq önımderdı, jasandy intellekt modelderın äzırleuge, oqytuǧa jäne synaqtan ötkızuge paidalanylady.
Zaŋnyŋ mätını baspasözde jariialanady.
Sonymen qatar, Memleket basşysy "Qazaqstan Respublikasynyŋ keibır zaŋnamalyq aktılerıne jasandy intellekt jäne sifrlandyru mäselelerı boiynşa özgerıster men tolyqtyrular engızu turaly" Qazaqstan Respublikasynyŋ Zaŋyna qol qoidy.
Zaŋǧa engızılgen tüzetulerdıŋ bırınşı blogy zaŋnamalyq aktılerdı "Jasandy intellekt turaly" Zaŋmen säikestendıruge baǧyttalǧan.
Tüzetulerdıŋ ekınşı blogy zaŋnamany özge mäseleler boiynşa jetıldırudı közdeidı.
Zaŋ qamtamasyz etılmegen sifrlyq aktivterdıŋ Qazaqstan Respublikasynyŋ aumaǧyndaǧy ainalymyn retteidı. Būǧan deiın qamtamasyz etılmegen sifrlık aktivterdıŋ ainalymy tek "Astana" Halyqaralyq qarjy ortalyǧynyŋ (AHQO) aumaǧynda ǧana rūqsat etılgen edı.
Azamattardyŋ jeke derekterın qorǧau amaldaryn küşeitu maqsatynda jeke derekterdı öŋdeuge kelısım beru merzımıne qatysty talap engızıldı. Endı būl merzım jeke derekterdı jinau jäne öŋdeu maqsatyna jetu üşın qajettı merzımnen aspauǧa tiıs. Subekt nemese onyŋ zaŋdy ökılı iesın, operatordy, üşınşı tarapty eskertıp, jeke derekterdı jinauǧa, öŋdeuge bergen kelısımın qaitaryp aluǧa qūqyly.
Işkı bölşek sauda subektılerı üşın identifikasiialyq qūraldardy oqityn baqylau-kassa maşinalaryn paidalanu arqyly operasiialardy esepke alu jönınde talap qoia otyryp, tauarlardy taŋbalau mehanizmı jetıldırıldı.
Bırqatar tüzetuler nätijesınde aqparattyq qauıpsızdıktı qamtamasyz etu talaptary küşeitıldı.
Zaŋnyŋ mätını baspasözde jariialanady.
