يتاليالىق Il Foglio باسىلىمى تولىقتاي جاساندى ينتەللەكت ارقىلى جازىلعان العاشقى گازەت ءنومىرىن شىعاردى، دەپ حابارلايدى "ادىرنا" ۇلتتىق پورتالى The Guardian-عا سىلتەپ.
رەداكتور كلاۋديو چەراسانىڭ ايتۋىنشا، بۇل ەرەكشە تاجىريبە جاساندى ينتەللەكت تەحنولوگيالارىنىڭ قازىرگى جۋرناليستيكاعا قالاي اسەر ەتەتىنىن كورسەتۋ ءۇشىن جاسالعان.
"بۇل الەمدەگى العاشقى كۇندەلىكتى گازەت، ونى تولىعىمەن جاساندى ينتەللەكت جازدى: ماقالالار، تاقىرىپتار، ءتىپتى پىكىرلەر مەن ساركازمعا تولى دايەكسوزدەر دە جاساندى ينتەللەكتتىڭ جۇمىسى", — دەدى چەراسا.
ارنايى شىعارىلىم 18 ناۋرىزدا جارىق كوردى جانە ءتورت بەتتەن تۇرادى. ول قاعاز جانە ونلاين نۇسقادا قولجەتىمدى.
بۇل باسىلىمدا ءداستۇرلى جۋرناليستيكاعا ءتان تەرەڭ تالداۋ، سۇحباتتار مەن جەكە پىكىرلەر جوق. جاساندى ينتەللەكت تەك فاكتىلەردى ۇسىنۋمەن شەكتەلدى. جۋرناليستەر تەك نەيروندىق جەلىگە سۇراق قويىپ، ونىڭ جاۋاپتارىن تەكسەرىپ وتىردى.
چەراسا بۇل ەكسپەريمەنتتىڭ جاڭالىقتار جاساۋدا جاساندى ينتەللەكتتىڭ مۇمكىندىكتەرىن باعالاۋعا كومەكتەسەتىنىن اتاپ ءوتتى.
ايتا كەتەيىك، بيىل Alem.ai حالىقارالىق جاساندى ينتەللەكت ورتالىعىنىڭ اشىلۋى جوسپارلانىپ وتىر.
