Qazaqstan jerinde sırek kezdesetin metaldar áli óndirilmegen. Biraq perspektıvaly aımaqtar ashylǵan. Bul týraly Informburo.kz saıtynyń saýalyna Indýstrııa jáne qurylys mınıstrligi jaýap berdi, dep habarlaıdy “Adyrna” ulttyq portaly.
Mınıstrlik málimetinshe, jerde sırek kezdesetin metaldarǵa ıttrıı, lantan jáne lantanoıdtar tobyna jatatyn 13 element (erıı, prazeodım, neodım, samarıı, evropıı, gadolınıı, terbıı, dısprozıı, golmıı, erbıı, týlıı, ıtterbıı, lıýteıı) kiredi. Qazaqstanda olar basqa qatty paıdaly qazbalarmen birge kezdesedi jáne janama túrde alynýy múmkin.
Mamandar elimizdiń Shyǵys jáne Ortalyq aımaqtarynda jer qoınaýyn zerttep, berılıı, ıttrıı, nıobıı, volfram, galıı, ezıı jáne basqa sırek metaldardyń qorlary bar 20 oryndy anyqtady.
«Kúırektikól» ýchaskesiniń shıkizat qorynyń jetkiliktiligi boıynsha oń baǵa alyndy, bul ýchaskeler barlaý lıenzııasy boıynsha odan ári zertteý úshin jer qoınaýyn paıdalanýǵa beriledi», - dedi mınıstrlik.
Memlekettik bıýdjet esebinen Ortalyq Qalba aýmaǵyn zertteý jáne baǵalaý jumystary jalǵasýda. Jumystar 2026 jyly aıaqtalýy josparlanǵan.
Aıta ketsek, AQSh Prezıdenti Donald Tramp Ýkraınadaǵy mıneraldy resýrstarǵa, sonyń ishinde jerde sırek kezdesetin qazbalarǵa qol jetkizý týraly kelissózder júrgizgen. Sonymen qatar, ol Reseıdiń sırek metaldaryna qol jetkizý úshin kelisimder jasaýǵa qyzyǵýshylyq tanytqanyn málimdegen, sebebi olar joǵary tehnologııalyq jabdyqtar óndirisine qajet.
