Qazaqstan jerınde sirek kezdesetın metaldar älı öndırılmegen. Bıraq perspektivaly aimaqtar aşylǧan. Būl turaly Informburo.kz saitynyŋ saualyna İndustriia jäne qūrylys ministrlıgı jauap berdı, dep habarlaidy “Adyrna” ūlttyq portaly.
Ministrlık mälımetınşe, jerde sirek kezdesetın metaldarǧa ittrii, lantan jäne lantanoidtar tobyna jatatyn 13 element (serii, prazeodim, neodim, samarii, evropii, gadolinii, terbii, disprozii, golmii, erbii, tulii, itterbii, liutesii) kıredı. Qazaqstanda olar basqa qatty paidaly qazbalarmen bırge kezdesedı jäne janama türde alynuy mümkın.
Mamandar elımızdıŋ Şyǧys jäne Ortalyq aimaqtarynda jer qoinauyn zerttep, berilii, ittrii, niobii, volfram, galii, sezii jäne basqa sirek metaldardyŋ qorlary bar 20 oryndy anyqtady.
«Küirektıköl» uchaskesınıŋ şikızat qorynyŋ jetkılıktılıgı boiynşa oŋ baǧa alyndy, būl uchaskeler barlau lisenziiasy boiynşa odan ärı zertteu üşın jer qoinauyn paidalanuǧa berıledı», - dedı ministrlık.
Memlekettık biudjet esebınen Ortalyq Qalba aumaǧyn zertteu jäne baǧalau jūmystary jalǧasuda. Jūmystar 2026 jyly aiaqtaluy josparlanǧan.
Aita ketsek, AQŞ Prezidentı Donald Tramp Ukrainadaǧy mineraldy resurstarǧa, sonyŋ ışınde jerde sirek kezdesetın qazbalarǧa qol jetkızu turaly kelıssözder jürgızgen. Sonymen qatar, ol Reseidıŋ sirek metaldaryna qol jetkızu üşın kelısımder jasauǧa qyzyǧuşylyq tanytqanyn mälımdegen, sebebı olar joǧary tehnologiialyq jabdyqtar öndırısıne qajet.
