Memleketke opasyzdyq jasaǵany úshin sottalǵan ulttyq qaýipsizdik keńesiniń burynǵy tóraǵasy Kárim Másimovtiń isi jabyq kúıinde qalady. Bul týraly Ulttyq qaýipsizdik komıteti Informburo.kz-tiń saýalyna bergen jaýabynda aıtty, dep habarlaıdy «Adyrna» tilshisi.
2022 jyly eks-sheneýnikke qatysty QR QK 218-baby «Qylmystyq jolmen alynǵan aqshany jáne (nemese) ózge múlikti zańdastyrý (jylystatý)» jáne 366-baby «Asa iri kólemde para alý» boıynsha sotqa deıingi tergeý júrgen edi.
Másimovtiń jabyq kelisimshart boıynsha shet memleket ókilinen 2 mln AQSh dollary somasynda para alǵany anyqtaldy. Bul aqsha Gonkongtan Qazaqstan Ulttyq bankine qaıtaryldy. Odan bólek, onyń premer-mınıstr bolǵan kezinde bıznes-qurylymnyń birinen quny 2,5 mlrd teńge bolatyn elıtalyq turǵyn úı men jer telimin satyp alǵany aıtyldy.
UQK-nyń burynǵy basshysy memleketke opasyzdyq jasady jáne bılikti basyp almaq boldy degen aıyppen sottalǵannan keıin de bul eki bop boıynsha tergeý ári qaraı jalǵasty. Ulttyq qaýipsizdik komıteti onyń yqtımal sheteldik aktıvterin izdestirdi.
Keıinirek Kárim Másimov pen onyń burynǵy orynbasarlary sot úkimine qatysty appelıaııalyq shaǵym túsirgen bolatyn. Alaıda sot ony qanaǵattandyrýdan bas tartty. Dese de, Másimovke qatysty sybaılas jemqorlyq isteri boıynsha tergeý nátıjesi jarııalanbady.
2025 jyldyń 10 aqpanynda Qaıtarylǵan aktıvterdi basqarý jónindegi kompanııa sybaılas jemqorlyq isterin tergeý barysynda Kárim Másimovten tárkilengen úıdi satýǵa shyǵardy. Alaıda záýlim saraıdy satyp alýshy tabylmaı, aýkıon ótpedi. Kezekti saýda-sattyq 28 naýryzda uıymdastyrylmaq.
Informburo.kz Másimov isiniń qaı satyda ekenin jáne buryn odan tárkilgengen úı qandaı negizde Qaıtarylǵan aktıvterdi basqarý kompanııasyna berilgenin anyqtaý úshin quzyrly organǵa saýal joldady.
«Kárim Másimovke qatysty Qylmystyq kodekstiń atalǵan baptary boıynsha sotqa deıingi tergeý júrgizildi. Iste memlekettik qupııalardy quraıtyn málimetter bar ekenin eskere otyryp, ózge de aqparat jarııa etilýge jatpaıdy»,– delingen jaýapta.
UQK istiń egjeı-tegjeıin bilý úshin Bas prokýratýraǵa habarlasýdy usynǵan. Alaıda Bas prokýratýra resmı saýaldy Ulttyq qaýipsizdik komıtetine qaıtaryp, suraqtardy jaýapsyz qaldyrǵan.
