Memleketke opasyzdyq jasaǧany üşın sottalǧan ūlttyq qauıpsızdık keŋesınıŋ būrynǧy töraǧasy Kärım Mäsımovtıŋ ısı jabyq küiınde qalady. Būl turaly Ūlttyq qauıpsızdık komitetı Informburo.kz-tıŋ saualyna bergen jauabynda aitty, dep habarlaidy «Adyrna» tılşısı.
2022 jyly eks-şeneunıkke qatysty QR QK 218-baby «Qylmystyq jolmen alynǧan aqşany jäne (nemese) özge mülıktı zaŋdastyru (jylystatu)» jäne 366-baby «Asa ırı kölemde para alu» boiynşa sotqa deiıngı tergeu jürgen edı.
Mäsımovtıŋ jabyq kelısımşart boiynşa şet memleket ökılınen 2 mln AQŞ dollary somasynda para alǧany anyqtaldy. Būl aqşa Gonkongtan Qazaqstan Ūlttyq bankıne qaitaryldy. Odan bölek, onyŋ premer-ministr bolǧan kezınde biznes-qūrylymnyŋ bırınen qūny 2,5 mlrd teŋge bolatyn elitalyq tūrǧyn üi men jer telımın satyp alǧany aityldy.
ŪQK-nyŋ būrynǧy basşysy memleketke opasyzdyq jasady jäne bilıktı basyp almaq boldy degen aiyppen sottalǧannan keiın de būl ekı bop boiynşa tergeu ärı qarai jalǧasty. Ūlttyq qauıpsızdık komitetı onyŋ yqtimal şeteldık aktivterın ızdestırdı.
Keiınırek Kärım Mäsımov pen onyŋ būrynǧy orynbasarlary sot ükımıne qatysty appeliasiialyq şaǧym tüsırgen bolatyn. Alaida sot ony qanaǧattandyrudan bas tartty. Dese de, Mäsımovke qatysty sybailas jemqorlyq ısterı boiynşa tergeu nätijesı jariialanbady.
2025 jyldyŋ 10 aqpanynda Qaitarylǧan aktivterdı basqaru jönındegı kompaniia sybailas jemqorlyq ısterın tergeu barysynda Kärım Mäsımovten tärkılengen üidı satuǧa şyǧardy. Alaida zäulım saraidy satyp aluşy tabylmai, auksion ötpedı. Kezektı sauda-sattyq 28 nauryzda ūiymdastyrylmaq.
Informburo.kz Mäsımov ısınıŋ qai satyda ekenın jäne būryn odan tärkılgengen üi qandai negızde Qaitarylǧan aktivterdı basqaru kompaniiasyna berılgenın anyqtau üşın qūzyrly organǧa saual joldady.
«Kärım Mäsımovke qatysty Qylmystyq kodekstıŋ atalǧan baptary boiynşa sotqa deiıngı tergeu jürgızıldı. Iste memlekettık qūpiialardy qūraityn mälımetter bar ekenın eskere otyryp, özge de aqparat jariia etıluge jatpaidy»,– delıngen jauapta.
ŪQK ıstıŋ egjei-tegjeiın bılu üşın Bas prokuraturaǧa habarlasudy ūsynǧan. Alaida Bas prokuratura resmi saualdy Ūlttyq qauıpsızdık komitetıne qaitaryp, sūraqtardy jauapsyz qaldyrǧan.
