Memleket basshysy Qasym-Jomart Toqaev búgin Býrabaıda ótip jatqan Ulttyq quryltaıdyń IV otyrysynda Qazaqstannyń aýyl sharýashylyǵyndaǵy áleýeti zor ekenin, endi sony tıimdi paıdalanatyn kez kelgenin aıtty. Qordalanǵan máselerdi sheship, osy saladaǵy eńbek ónimdiligin úsh ese arttyrýdy tapsyrdy, dep habarlaıdy “Adyrna”.
«Qazaqstannyń aýyl sharýashylyǵyndaǵy áleýeti zor ekeni belgili. Endi sony tıimdi paıdalanatyn kez keldi. Elimizdiń áýelgi múmkindikterine qarasaq, biz áldeqashan álemdegi alpaýyt agrarlyq memlekettiń biri bolýǵa tıis edik. Biraq aýyl sharýashylyǵyna jetkilikti qarjy salynǵan joq. Bul salany jemqorlar men alaıaqtar ıemdenip keldi. Olardyń ishinde memlekettik qyzmetshiler de boldy. Jalǵan málimetterdiń kesirinen memleket qaǵaz júzindegi mal sanyna jyldar boıy sýbsıdııa tóledi. Qazir qordalanǵan máseleniń bárin sheship, agroónerkásip keshenin jańa deńgeıge kóterý úshin kóp jumys jasalyp jatyr. Biz aldaǵy bes jylda aýyl sharýashylyǵynyń jalpy ónimin eki ese kóbeıtip, osy saladaǵy eńbek ónimdiligin úsh ese arttyrýymyz kerek. Bul – óte mańyzdy mindet. Qazaqstan 10 jyl ishinde bıdaıdy tereń óńdep, daıyn ónim óndiretin jáne ony álemdik naryqqa shyǵaratyn eń úzdik on eldiń qataryna qosylýǵa tıis» – dedi Prezıdent.
