Qasym-Jomart Toqaev óz mindetin tıisinshe oryndamaǵany úshin Abaı oblysynyń ákimi Nurlan Uranhaevqa sógis jarııalady. Bul týraly Aqorda málimdedi, dep habarlaıdy “Adyrna” ulttyq portaly.
"Qatelik kóp. Shuǵyl árekettiń jetispeýi, máseleden syrt qalýyńyz osy apatqa ákeldi. Ózińiz de oqıǵa ornyna kesh jetkenińizdi maǵan baıandadyńyz. Sondyqtan jergilikti atqarýshy organnyń jumysyna kóńilim tolmaıdy. Túsinemin, oblys endi quryldy, siz – jańa ákimsiz. Osy sebepti ǵana sizge sógis jarııalaımyn. Negizi, mundaı qatelik úshin birden qyzmetten bosatý kerek. On tórt adamnan aıyrylyp qaldyq. Bul ne sizge, oıynshyq pa? Olar qyzmettik boryshyn atqara júrip qaza tapty. Qazir sizdiń mindetińiz – Úkimetpen birge meniń azamattarǵa bergen barlyq ýádemniń oryndalýyn qadaǵalaý. Sóz ben is qabysý kerek. Iá, men kóńil aıttym. Biraq adamdarǵa naqty kómek kórsetilýge tıis",- dedi Toqaev.
