Qazaqstanda azamattyq jáne eksperımenttik avıaııadaǵy áýe oqıǵalaryn tergeýmen aınalysatyn ýákiletti organ qurý josparlanyp otyr, dep habarlaıdy "Adyrna" ulttyq portaly.
Qujatqa sáıkes, memlekettik qatysýy 100% bolatyn akıonerlik qoǵam retinde qurylatyn bul organ avıaııalyq apattar men oqys oqıǵalardy tergeýdi uıymdastyryp, júrgizýge jaýapty bolady.
Jańa organǵa azamattyq avıaııa salasyndaǵy ýákiletti organǵa áýe oqıǵalaryn tergeýge qatysty normatıvtik-quqyqtyq aktiler ázirleýge járdemdesý, Qazaqstan aýmaǵynda jáne shetelde tirkelgen qazaqstandyq ushaqtardyń qatysýymen bolǵan apattardy tergeýge qatysý jáne avıaııalyq oqıǵalardyń aldyn alý jáne olardyń saldaryn azaıtý boıynsha usynystar ázirleý mindetteledi.
Sonymen qatar, áýe oqıǵalarynyń statıstıkasyn júrgizý jáne halyqaralyq uıymdarmen derekter almasý, tergeý barysynda dálelderdi saqtaý jáne qupııa aqparattyń qorǵalýyn qamtamasyz etý, halyqaralyq azamattyq avıaııa uıymynyń (ICAO) standarttary men usynystaryn saqtaý monıtorıngin júrgizý jáne ICAO-ǵa qazaqstandyq zańnamanyń halyqaralyq talaptardan aıyrmashylyǵy týraly ýaqtyly habarlaý mindeti júkteledi.
Jańa organ 2025 jyldyń sońyna deıin qurylmaq. Bul bastama Qazaqstandaǵy avıaııalyq qaýipsizdik deńgeıin arttyrý jáne halyqaralyq talaptarǵa sáıkestikti qamtamasyz etý maqsatynda qolǵa alynyp otyr.
