30 qyrküiek künı Qaraǧandy oblysynda oqu-jattyǧu kezınde ekı oryndyq ūşaq apatqa ūşyrap, saldarynan ūşaq komandirı men äskeri instituttyŋ kursanty qaza tapty, dep habarlaidy «Adyrna» ūlttyq portaly.
Azamattyq aviasiia komitetınıŋ mälımdeuınşe, äue apatynan qaza tapqandar – 1097 saǧat ūşu täjıribesı bar ūşaq komandirı (ūşqyş-nūsqauşy) men Äue qorǧanysy küşterı äskeri institutynyŋ kursanty.«Ūşqyş 28.11.2019 jyly berılgen №000012 jaramdy CPL (A) kuälıgıne ie. Nūsqauşy ūşqyştyŋ 01.07.2025 jylǧa deiın jaramdy arnaiy belgısı «KAMA» ZTB-ǧa engızıldı», - dedı Azamattyq aviasiia komitetı.Atalǧan jaittan keiın, Qazaqstannyŋ aviasiialyq äkımşılıgınıŋ bas direktory Katalin Radu P2002-JF äue ūşaǧynyŋ apatyna bailanysty operasiialyq ortalyqtyŋ şūǧyl keŋesın ötkızdı. Jiynda operasiialyq ortalyq Qazaqstannyŋ aviasiialyq äkımşılıgınıŋ apatty josparyn ıske qosty, ūşu qauıpsızdıgın qamtamasyz etu mäselelerı talqylandy jäne tergeu jürgızu üşın qūjattar daiyndaldy. Sonymen bırge Azamattyq aviasiia komitetı men Qazaqstannyŋ aviasiialyq äkımşılıgı äue apatynan qaza tapqan azamattardyŋ tuystary men jaqyndaryna köŋıl aitty. Eske sala keteiık, 2023 jyldyŋ 30 qyrküiegınde oqu-jattyǧu kezınde Qaraǧandy oblysyndaǧy Balapan alaŋynda P2002 tiptı Upla286 ūşaǧy saǧat 07:46-da ūşyp şyqqannan keiın bailanysqa şyqpaǧan. Izdeu barysynda talqany şyqqan ūşaq pen ekı adamnyŋ denesı tabylǧanyn jazǧan edık.
«Adyrna» ūlttyq portaly
Ūqsas jaŋalyqtar
