Qazaqstan áskerı drondar shyǵarýdy bastady

4563

Qazaqstandyq avıaııalyq ındýstrııa JShS (KAI JShS) bazasynda áskerı maqsattaǵy ushqyshsyz áýe júıelerin qurastyrý boıynsha kásiporynnyń jáne osy ushaqtarǵa qyzmet kórsetý ortalyǵynyń ashylý saltanaty ótti. Bul týraly QR Indýstrııa jáne ınfraqurylymdy damytý mınıstrliginiń baspasóz qyzmeti málimdedi, dep habarlaıdy "Adyrna" ulttyq portaly.

Sımvolıkalyq qyzyl lentany Qazaqstan Qarýly Kúshteri Qurlyq áskerleri Bas qolbasshysynyń orynbasary general-maıor Aleksandr Ashırov kesip, respýblıka qarýly kúshteriniń qorǵanys qabiletin arttyra alatyn jańa óndiristi iske qosty.

SKYLARK 1-LEX pılotsyz ushaq modeli - bul 3 saǵattyq ushý kezinde táýliktiń kez-kelgen ýaqytynda naqty ýaqyt rejıminde joǵary sapaly beıne derekterin usyný úshin 40 km bıiktikten kórinetin dıapazondaǵy armııa mobıldi bólimderi talap etetin óte tıimdi qural.

Mundaı qural óziniń tıimdiligin kórsetip, álemniń 25 elinde qoldanylady. Sonymen qatar, dronnyń ushý saǵattarynyń sany 100 myńnan asady.

Eske salaıyq, SKYALRK-1LEX-ti ızraıldik Elbit Systems Ltd kompanııasy jasaǵan jáne 2014 jyldan bastap Qazaqstan armııasynda tıimdi qoldanylyp keledi.

Ashylý saltanatyna Indýstrııa jáne ınfraqurylymdyq damý mınıstrliginiń, «Qazaqstan ınjınırıng» ulttyq kompanııasynyń, Ulttyq qorǵanys ýnıversıtetiniń ókilderi, sondaı-aq ártúrli ásker túrleriniń áskerı qyzmetshileri qatysty.

"Adyrna" ulttyq portaly

(foto ashyq derekkózden)

Pikirler
Uqsas jańalyqtar