AQSh resmı túrde USAID baǵdarlamalarynyń 83 paıyzyn toqtatady. Bul týraly búgin, 10 naýryzda memlekettik hatshy Marko Rýbıo málimdedi, dep habarlaıdy «Adyrna» tilshisi.
Aıtýynsha, quny ondaǵan mıllıard dollardy quraıtyn 5200 kelisimsharttyń kúshi joıylǵan.
«Olar Amerıka Qurama Shtattarynyń negizgi ulttyq múddelerine qyzmet etpedi jáne keıbir jaǵdaıda óz zııanyn da tıgizdi»,— dedi Rýbıo.
Memlekettik hatshy Kongrespen júrgizilgen konsýltaııalardan keıin qalǵan shamamen 1000 baǵdarlama AQSh memlekettik departamentiniń tikeleı basqarýyna ótetinin atap ótti.
Eske salaıyq, aqpan aıynyń sońynda Donald Tramp ákimshiligi USAID agenttiginiń kelisimsharttarynyń 90%-dan astamyn joıýdy josparlap otyrǵanyn jetkizgen edi.
«Bul agenttikke bir top radıkal basshylyq etedi. Biz olardy jumystan bosatamyz, sodan keıin sheshim qabyldaımyz»,— degen bolatyn AQSh prezıdenti.
Al Ilon Mask basqaratyn DOGE uıymy USAID qarjysy negizsiz jaratylǵan dep sheshti.
USAID —azamattyq syrtqy kómek pen damý salasyndaǵy yntymaqtastyqty basqarýǵa jaýapty halyqaralyq damý agenttigi. Onyń jyldyq bıýdjeti 42,8 mıllıard dollardy quraıdy. Agenttik 100-den astam elde, onyń ishinde Qazaqstanda da jumys isteıdi.
