AQSh ádilet mınıstrligi Máskeý mańyndaǵy "Krokýs Sıtı Holl" ǵımaratynda bolǵan teraktti uıymdastyrdy degen kúdikpen bir adamnyń ustalǵanyn málimdedi, dep habarlaıdy "Adyrna" ulttyq portaly BBC-ge silteme jasap.
Ustalǵan kúdikti – Mohammad Sharıfýlla. Ol Qazaqstanda tyıym salynǵan "Islam uıymyna" kiretin "Vılaıat Horasan" terrorıstik tobynyń yqtımal múshesi.
Tergeý málimetterine sáıkes, Sharıfýlla "Krokýs Sıtı Hollǵa" shabýyl jasaǵan lańkesterge nusqaý berip, Kalashnıkov avtomatyn qoldanýdy úıretken.
Ol sonymen qatar teraktige qatysy bar eki lańkesti tanyǵanyn moıyndady.
AQSh bıligi kúdiktini taǵy birqatar lańkestik áreketterge, sonyń ishinde 2021 jyly tamyz aıynda 13 amerıkalyq sarbazdyń ólimine sebep bolǵan jankeshti shabýylyna jaýapty dep aıyptap otyr.
Aıta keteıik, 2024 jyldyń 22 naýryzynda qarýly top Máskeý mańyndaǵy "Krokýs Sıtı Holl" ǵımaratyna kirip, beıbit turǵyndarǵa oq jaýdyrǵan. Keıin ǵımaratty órtep jibergen.
Resmı málimet boıynsha 100-den astam adam qaza taýyp, 1700-den asa adam zardap shekti.
Qazirgi tańda tergeý jalǵasýda.
