AQŞ İzraildı İrannyŋ soqqysyna kerı jauap bermeuge şaqyrdy. Sebebı būl jaǧdaidy ekı tarap arasyndaǧy äskeri qaqtyǧystyŋ aiaqtaluy dep sanaitynyn jetkızdı, dep habarlaidy "Adyrna" ūlttyq portaly.
Būl turaly Report agenttıgı habarlady.
«İzrail men İran arasyndaǧy tıkelei äskeri soqqylarǧa keletın bolsaq, bız būl (İzrail tarapynan jasalǧan operasiia) tıkelei qaqtyǧystyŋ aiaqtaluy dep sanaimyz. Bız üşın būl soqqylar aiaqtaluy tiıs qaqtyǧys dep sanaimyz», – dep tolyqtyrdy AQŞ ökılı brifing barysynda söilegen sözınde.
Onyŋ aituynşa, AQŞ būl pıkırdı Taiau Şyǧystaǧy köptegen elderden, sonyŋ ışınde İranmen tyǧyz bailanystaǧy elderden de estıgen. Alaida, amerikalyq şeneunık Tegerannyŋ İzraildıŋ İranǧa jasaǧan jaŋa äskeri soqqysyna bailanysty qandai qadamdar jasaityny jönınde Vaşingtonǧa qandai da bır belgı bergen-bermegenın naqtylamady.
Sonymen bırge, AQŞ İranmen tıkelei jäne janama bailanys arnalarynyŋ bar ekenın rastady.
«İranmen tıkelei jäne janama bailanystarymyzdyŋ köptegen arnalary bar», – dep mälımdedı amerikalyq äkımşılık ökılı.Būl mälımdeme AQŞ-tyŋ İran men İzrail arasyndaǧy şielenıstı bäseŋdetuge baǧyttalǧan ūmtylysyn körsetıp, aimaqtaǧy tūraqtylyqty saqtauǧa yqpal etuge tyrysatynyn aŋǧartady.
Ūqsas jaŋalyqtar
