Erjan Qazyhan AQŞ-pen yntymaqtastyq boiynşa QR Prezidentınıŋ ökılı boldy, dep habarlaidy "Adyrna" ūlttyq portaly.
BŪŪ janyndaǧy Qazaqstannyŋ Tūraqty ökılı Erjan Qazyhanǧa taǧy bır mındet jükteldı.
"Memleket basşysynyŋ ökımımen Jenevadaǧy Bırıkken Ūlttar Ūiymynyŋ bölımşesı men basqa da halyqaralyq ūiymdar janyndaǧy Qazaqstan Respublikasynyŋ Tūraqty ökılı Erjan Hozeūly Qazyhanǧa Amerika Qūrama Ştattarymen yntymaqtastyqtyŋ özektı mäselelerı boiynşa kelıssözder prosesınde Qazaqstan Respublikasy Prezidentınıŋ ökılı mındetterı jükteldı", - dep habarlaidy Aqorda baspasöz qyzmetı.
Būdan aldyn AQŞ prezidentı Donald Tramp İranmen sauda qatynasyn jürgızetın barlyq elderge 25 paiyzdyq kedendık baj salyǧyn engızetının mälımdegenı belgılı.
Tramp būl turaly aqparatty Truth Social äleumettık jelısınde habarlaǧan.
«Osy sätten bastap İslam Respublikasymen — İranmen — biznes jürgızetın kez kelgen el AQŞ-pen jasalatyn barlyq kommersiialyq operasiialar üşın 25 paiyzdyq baj salyǧyn töleidı. Būl şeşım tüpkılıktı jäne qaita qarauǧa jatpaidy», - dep jazǧan Aq üi basşysy 12 qaŋtarda.
