Ilon Masktyń amerıkalyq kosmostyq kompanııasy SpaceX-tiń Starship zymyrany taǵy da Tehastyń Boka-Chıka kosmodromynan synaq ushyrýynan keıin jaryldy. Segizinshi synaq ushýy bastalǵannan keıin shamamen 10 mınýt ótkende, zymyrannyń kóterilýi aıaqtalýǵa 20 sekýnd qalǵanda baılanys úzildi. Bul týraly 7 naýryzda túnde SpaceX málimdedi, dep habarlaıdy “Adyrna” ulttyq portaly.
Karıb teńiziniń ústinde bolǵan jarylys Florıda shtatynyń bólikterinen kórindi, dep habarlaıdy CNN. Kompanııa málimetinshe, zymyrannyń birneshe qozǵaltqyshy óship qalǵan, sodan keıin ol jarylǵan.
Qaıta paıdalanýǵa bolatyn birinshi kezeń - Super Heavy zymyran-tasyǵyshy josparlanǵandaı Jerge oraldy jáne ushyrý keshenine sátti qondy. SpaceX kompanııasy Starship kemesiniń aldyńǵy synaq ushyrý kezinde de osyndaı jaǵdaı oryn alǵanyn aıtty. Kompanııa áýe qozǵalysyn basqarý organdarymen tyǵyz jumys isteıtinin málimdedi.
Jarylysqa baılanysty AQSh-tyń Azamattyq avıaııa basqarmasy (FAA) Florıda shtatyndaǵy birneshe áýejaıda ushýǵa shekteý qoıdy, sonyń ishinde Maıamı, Orlando, Palm-Bıch jáne Fort-Loderdeıl áýejaılary da bar. Vedomstvo SpaceX-tiń ınıdent boıynsha birlesken tergeý júrgizýin talap etti. Saldary zymyran ushyrýlardyń ary qaraı jalǵasýyna áser etetin bolady.
Bul Starship zymyranynyń ekinshi ret qatarynan jarylýy. Aldyńǵy jetinshi synaq ushýy da sátsiz aıaqtalǵan.
Qańtar aıynyń ortasynda zymyrannyń birinshi qaıta paıdalanýǵa bolatyn satysy kemeni orbıtaǵa shyǵaryp, Jerge oraldy, al joǵarǵy saty aspanǵa bólinip, barlyq alty Raptor qozǵaltqyshyn iske qosty.
Sodan keıin zymyranmen baılanys úzilip, jaryldy jáne bólshekteri Karıb teńizindegi Terks jáne Kaıkos araldaryna tústi. Osydan keıin FAA ushý shekteýlerin engizdi.
Segizinshi synaq ushýy 4 naýryzǵa josparlanǵan bolatyn, biraq tehnıkalyq aqaýǵa baılanysty 40 sekýnd qalǵanda ushý toqtatyldy.
Starship - tarıhtaǵy eń úlken jáne eń qýatty zymyran. 70 metrlik Super Heavy birinshi satysynan jáne qosymsha qozǵaltqyshtary bar 50 metrlik Starship ǵarysh kemesinen turatyn júıeniń jalpy jobalyq júktemesi 150 tonnany quraıdy.
NASA bul joba arqyly Aıǵa jáne Jer orbıtasyna pılottyq ushýlardy qaıta bastaýǵa úmittenedi. Ilon Mask 2026 jyly osy zymyranmen adamdardy Marsqa jiberýdi josparlap otyr.
