Jaŋaözen tumasy Änuarbek İmanbaev Tesla kompaniiasynyŋ investory atandy, dep habarlaidy «Adyrna» tılşısı Ulysmedia-ǧa sılteme jasap.
Onyŋ otbasy toǧyz jasynda, iaǧni 1992 jyly AQŞ-qa qonys audarǧan. Būǧan äkesınıŋ amerikalyq mūnai kompaniialarynyŋ bırınde taǧylymdamadan ötuı sebep bolǧan.
Keiın ol otbasylyq dästürdı jalǧastyryp, ömırın mūnai salasymen bailanystyrǧan. İmanbaev AQŞ-tyŋ ırı jekemenşık kompaniialarynda jūmys ıstep, mūnai-gaz sektoryna arnalǧan IT-şeşımderdı engızumen ainalysqan.
2012 jyly ärıptesınıŋ kömegımen Änuarbek İlon Maskpen tanysqan. Kaliforniia ştatyndaǧy Frimont qalasynda ornalasqan Tesla zauytyn körgennen keiın ol kompaniianyŋ bolaşaǧyna senıp, elge oralǧan soŋ barlyq jinaǧan qarjysyna Tesla aksiialaryn satyp alǧan. Uaqyt öte kele ol Tesla-nyŋ, keiın SpaceX kompaniiasynyŋ bırqatar top-menedjerlerımen jaqyn aralasa bastaǧan.
Amerikada ondaǧan jyl ömır sürse de, Anuarbek ana tılın jäne ūlttyq bolmysyn saqtap qalǧan. Onyŋ aituynşa, būǧan ata-anasynyŋ üide balalarymen tek qazaq tılınde söilesuı yqpal etken.
«Sukerbergtıŋ körşılerı» jobasyna bergen sūhbatynda ol AQŞ-qa köşkenderdıŋ amerikalyq ömır saltyna tolyqtai beiımdeluge tyrysqannan görı, qazaqtyŋ dästürı men mädenietın qūrmettep, saqtauy maŋyzdy ekenın aitty.
«AQŞ-qa köşıp kelgenderdıŋ köbı, mysaly qytailar, äuelı özderıne jergılıktı esım alady. Al bızde bärı basqaşa boldy. Äkemız bızdı, eŋ aldymen, patriot etıp tärbieledı. Bız özımızdıŋ qazaq ekenımızdı maqtan tūtyp östık. Köp adam, tıptı ärıptesterım de menıŋ esımımdı aita almaitynyn aitatyn. Men olarǧa: «Būl – ata-anam men Alla bergen esım. Ūnamasa, esık ana jaqta» dep jauap beretınmın. Qazaqstandyqtarǧa aitar keŋesım – öz Otandaryŋyzdy maqtan tūtyŋyzdar, amerikalyq boluǧa tyryspaŋyzdar»,– dedı ol.
