Almaty áýejaıynda qyz balanyń ornyna ózin kepilge alýdy usynyp, artynsha shabýyl jasaǵannyń qolynan pyshaǵyn tartyp alǵan er adamnyń kim ekeni anyqtaldy, dep habarlaıdy “Adyrna” ulttyq portaly 24KZ saıtyna siltep.
Búgin, 7 naýryzda Almaty áýejaıynda pyshaq ustaǵan er adam qyzmetkerdi kepilge alǵan bolatyn. Onyń vıdeosy jelide tarady.
Beınejazbada er adamnyń edende otyrǵan qyzdy shashynan ustap turǵanyn, al qyz balanyń aıqaılap jylap, kómek suraǵany kórýge bolady.
Aqparatqa sáıkes, qylmyskerdi ustaǵan beıbit kúnniń batyry – Ábdiraıym Musa Saıranbaıuly. Ol 1973 jyly týǵan.
Ol týystaryn shyǵaryp salýǵa barǵanda oqys oqıǵanyń ústinen túsken. Musa Saıranbaıuly ózin qyz balanyń ornyna kepilge alýdy usynǵan.
Aıta keteıik, prezıdent Qasym-Jomart Toqaev áýejaıda áıeldi qutqarǵan er adamǵa nagrada berýdi tapsyrdy.
