Aq úı AQSh-ta turatyn júzdegen myń ýkraındyqty bosqyn mártebesinen aıyrýy múmkin. Bul týraly resmı jáne úsh aqparat kózine silteme jasap Reuters jarııalady, dep habarlaıdy “Adyrna” ulttyq portaly.
«AQSh prezıdenti Donald Tramptyń ákimshiligi qaqtyǵystardan qashqan shamamen 240 myń ýkraındyqtyń ýaqytsha quqyqtyq mártebesin joıýdy josparlap otyr», - dep jazady basylym.
Mundaı sheshim sáýir aıynda qabyldanýy múmkin. Bul osy sanatqa jatatyn adamdardyń deportaııalanýyna ákeledi.
Ýkraınalarǵa qatysty bul shara Tramptyń Djo Baıden kezinde iske qosylǵan gýmanıtarlyq ımmıgraııalyq baǵdarlamalardy toqtatý strategııasynyń bir bóligi bolmaq.
“Bul sharanyń daıyndalýy Vladımır Zelenskıımen qoǵamdyq janjaldy bastamas buryn-aq bastalǵan”, dep málimdeıdi derekkózder.
Aqparatqa sáıkes, jalpy, 1,8 mıllıonnan astam bosqyn zańdy mártebesin joǵaltýy múmkin dep kútilýde. Ýkraınalyqtardan bólek, bul Kýba, Gaıtı, Nıkaragýa jáne Venesýeladan 530 000 mıgrantty, sondaı-aq, tálipter bılikke kelgennen keıin elden qashqan 70 000 aýǵandyqty qamtıdy. Buǵan qosa, 1 mıllıonǵa jýyq adam buǵan deıin AQSh-qa zańdy túrde kóshý úshin CBP One qosymshasyn paıdalanǵan, biraq Tramp ákimshiligi qańtar aıynyń sońynda bul qosymshany jaýyp tastaǵan. Taǵy myńdaǵan adam otbasy múshelerin biriktirý baǵdarlamalaryna qatysqan.
