BUU Adam quqyqtary jónindegi keńesinde jarııalanǵan esepke sáıkes, Ýkraınada beıbit turǵyndardyń májbúrli túrde joǵalýy Reseı bıliginiń “jappaı jáne júıeli áreketteriniń” saldary bolyp tabylady jáne adamzatqa qarsy qylmysqa teńestiriledi, dep habarlaıdy “Adyrna” ulttyq portaly dw.com-ǵa siltep.
Bul týraly BUU-nyń Ýkraınadaǵy quqyq buzýshylyqtardy zertteıtin Táýelsiz halyqaralyq komıssııasy 19 naýryzda málimdedi.
Komıssııa esebinde Reseı áskeriniń baqylaýyndaǵy ýkraın aımaqtarynda kóptegen beıbit turǵyndardyń ustalǵany atap ótilgen. Olardyń qatarynda jergilikti bılik ókilderi, memlekettik qyzmetkerler, jýrnalıster jáne Reseı bıligi Ýkraınadaǵy áskerı maqsattaryna qaýip tóndiredi dep sanaǵan ózge de tulǵalar bar.
Sonymen qatar, qujatta ýkraın áskerı tutqyndarynyń da zorlyq-zombylyqqa ushyraǵany aıtylǵan.
BUU sarapshylary Ýkraınadaǵy quqyq buzýshylyqtardy tergeý jalǵasatynyn málimdedi.
