Amerıkada qazaq mýzykanty qaıtys boldy, dep habarlaıdy "Adyrna" kznews-ke siltep.
AQSh-ta skýter qaǵyp ketken qazaq qyzy qaıtys boldy. Qaıǵyly jaǵdaı týraly Kúlásh Baıseıitova atyndaǵy mekteptiń ákimshiligi habarlady.
Móldir Joltaı – osy mekteptiń túlegi. Ol kásibı mýzykanttardy daıyndaıtyn daryndy balalarǵa arnalǵan mektepti 2012 jyly bitirgen.
Marqumnyń týystary sot saraptamasynan ótkizip, onyń denesin elge jetkizý úshin qarjylaı kómek surady.
«2012 jylǵy betke ustar túlegimiz Móldir Joltaı jazataıym oqıǵadan jan tásilim etti. Daryndy jan, ómirge qushtar, áli de talaı shyǵarmashylyq jetistikterimen eldi qýantady degen úmitimiz zor edi. Átteń, jazmyshtan ozmysh joq. Mektep ujymy atynan jaqyn týystaryna qaıǵysyna ortaqtasyp, kóńil bildiremiz»,- delingen habarlamada.
28 jastaǵy qyzdy skýter qaǵyp ketken. Elimizdiń SIM qaıǵyly jaǵdaıdyń oryn alǵanyn rastady.
"Adyrna" ulttyq portaly
