Memleket basşysy Qasym-Jomart Toqaev AQŞ prezidentımen söilestı, dep habarlaidy "Adyrna" ūlttyq portaly Aqordaǧa sıltep.
Qasym-Jomart Toqaev pen Donald Tramp telefon arqyly ekıjaqty jäne halyqaralyq kün tärtıbı, sonyŋ ışınde Ukraina mäselesı boiynşa mazmūndy äŋgıme örbıttı.
Söilesu barysynda Qasym-Jomart Toqaev biyl qaraşada Vaşingtonǧa jasaǧan sapary kezınde qol jetkızılgen uaǧdalastyqtardy tolyq ıske asyruǧa niettı ekenın jetkızdı. Prezident Ukrainadaǧy qaqtyǧystyŋ kürdelı sipatyna, onyŋ ışınde territoriialyq kelıspeuşılıkterdıŋ basty mäsele bolyp otyrǧanyna nazar audardy. Osy oraida, ekı taraptyŋ mämılege keluı asa maŋyzdy ekenın atap öttı.
Qazaqstan barlyq tarapty tözımdılık, ikemdılık jäne käsıbilık tanytyp, beibıtşılık formulalaryn ızdeudı jalǧastyruǧa şaqyrady. El araaǧaiyn bolmasa da, qajet bolǧan jaǧdaida kelıssöz alaŋyn ūsynuǧa daiyn.
Sonymen qatar, Qasym-Jomart Toqaev Donald Tramptyŋ köşbasşylyq qasietterı arqasynda bırqatar halyqaralyq äskeri qaqtyǧys toqtap, AQŞ-tyŋ ışkı äleuetı küşeigenın atap öttı. Memleket basşysy AQŞ Prezidentın Qazaqstanǧa saparmen keluge şaqyryp, būl tarihi oqiǧa bolatynyna senım bıldırdı.
Būl telefon äŋgımesı ekı el arasyndaǧy qarym-qatynastyŋ odan ärı tereŋdeuı men strategiialyq ärıptestıktı nyǧaituǧa maŋyzdy serpın beredı.
