Ýkraına beıbit retteý boıynsha kelissózder proesine mindetti túrde qatysady. Kelissózder eki formatta ótedi: birinde AQSh pen Reseıdiń Kıevsiz ekijaqty arnasy bolady. Bul týraly Kremldiń resmı ókili Dmıtrıı Peskov málimdedi, dep habarlaıdy "Adyrna" ulttyq portaly.
Kelissózder formaty Peskovtyń aıtýynsha, Ýkraına kelissózderge qatyspaı qala almaıdy. Sonymen qatar, Máskeý men Vashıngtonnyń tikeleı baılanys arnasy saqtalady, oǵan qosa Ýkraına men Eýropalyq Odaq ókilderi qatysatyn bólek arna jumys isteıdi.
Reseı men AQSh arasyndaǵy baılanystar keńeıedi Reseı prezıdentiniń baspasóz hatshysy Dmıtrıı Peskov Máskeý men Vashıngton arasyndaǵy jumys baılanystary aldaǵy kúnder men aptalarda keńeıetinin málimdedi.
Onyń aıtýynsha, telefon arqyly sóılesý kezinde Vladımır Pýtın men Donald Tramp bir-birin elderine saparmen kelýge shaqyrǵan.
«Olar bul shaqyrýlardy qashan paıdalanady – oqıǵalardyń damýy kórsetedi», – dedi Peskov. Sonymen qatar, Máskeý AQSh prezıdentin 9 mamyrda ótetin Jeńis paradyna shaqyrýǵa daıyn ekenin jetkizdi.
AQSh prezıdenti Donald Tramp pen Reseı prezıdenti Vladımır Pýtınniń telefon arqyly kelissózderinen keıin, Financial Times sarapshylarynyń boljamynsha, Ýkraınada atysty toqtatý Pashaǵa nemese Jeńis kúnine deıin engizilýi múmkin.
