Qazaqstannyń Birikken Arab Ámirlikterindegi elshisiniń keńesshisi, dıplomat Sáken Mamashqa qatysty qylmystyq is qozǵaldy. Bul týraly Astana qalasynyń polıııa departamenti aıtty, dep habarlaıdy «Adyrna» tilshisi.
«Atalǵan fakti boıynsha qylmystyq is qozǵaldy. Tergeý múddesine qatysty basqa málimetter jarııalanbaıdy»,- dedi departament.
Eske salaıyq, buǵan deıin Sáken Mamashtyń áıeli Karına Mamash vıdeoúndeý jasap, kúıeýinen qorlyq kórgenin aıtqan edi.
"Men, Mamash Karına Gosmanqyzy, BAÁ-degi elshiniń keńesshisi Mamash Sáken Táshkenbaıulynyń jubaıymyn. 10 jyl boıy zorlyq-zombylyqqa ushyrap kelemin. Maǵan kórsetken búkil qorlyǵy – onyń ishinde fızıkalyq, seksýaldyq, emoıonaldyq, ekonomıkalyq, turmystyq zorlyq-zombylyq úshin kúıeýimdi dıplomat mártebesinen aıyryp, túrmege otyrǵyzǵanyn qalaımyn", - degen edi Karına Mamash.
Karına 5 mamyr kúni kúıeýi oǵan jáne onyń ápkesine kúsh kórsetkenin de aıtqan.
Sol kezde «NeMolchı» qorynyń jetekshisi Dına Tańsári prezıdentke, Ishki jáne syrtqy ister mınıstrlikterine úndeý jasaǵan. Ol «Ishki ister mınıstrliginen Qazaqstannyń BAÁ-degi elshisiniń keńesshisi jasap otyrǵan áreketke aralasyp, áıelin kúıeýinen qorǵaýdy talap etemiz,"- dep málimdegen.
Syrtqy ister mınıstrligi de sol kezde oqıǵaǵa qatysty birden reakııa bildirgen.
«Biz bul qyzmetkerdi shuǵyl túrde Qazaqstanǵa shaqyryp jatyrmyz, endi onyń isimen quqyq qorǵaý organdary aınalysady», - degen Syrtqy ister mınıstrliginiń resmı ókili Aıbek Smadııarov.
Karına Mamyr elge jetkizilgen soń 9 mamyrda ol Astanadaǵy daǵdarys ortalyǵyna ornalastyryldy.
