Eks-prezıdent Nursultan Nazarbaevtyń ortanshy qyzy Dınara Qulybaevaǵa tıesili «Qazaqstan-Brıtan tehnıkalyq ýnıvesıteti» (QBTÝ) memleket menshigine ótti. Bul týraly Qarjy eseptiligi depozıtarııinde jazylǵan, dep habarlaıdy “Adyrna” ulttyq portaly.
Aqparatqa sáıkes, “Qazaqstan-Brıtan tehnıkalyq ýnıversıteti” AQ-nyń 100% akııasy qaıtarylǵan aktıvterdi basqarý kompanııasyna berilýi tıis. Al bul kompanııa iri baılardyń zańsyz ıelenip, memleketke qaıtarǵan dúnıe-múlikti basqarady.
Sonymen qatar D.V. Sokolskıı atyndaǵy organıkalyq katalız jáne elektrohımııa ınstıtýtynyń jáne A.B. Bekturov atyndaǵy hımııa ǵylymdary ınstıtýtynyń 100% akııalary da memleket menshigine ótedi.
“Qazirgi ýaqytta sot oryndaýshylary bul sheshimdi júzege asyrý proesin júrgizýde”, delingen habarlamada.
Habarlamaǵa sáıkes, 27 aqpan kúni bilim ordasynyń akıonerleri aýysqan. QBTÝ-dyń akıonerleri qatarynan «Nursultan Nazarbaev bilim qory» shyǵyp, ornyna «Qaıtarylǵan aktıvterdi basqarý kompanııasy» engen.
Al «Nursultan Nazarbaev bilim qoryna» Dınara Qulybaeva, Galına Samarskaıa jáne Asqar Nurpeıisov ıelik etedi.
Aıta keteıik, QBTÝ ǵımaraty — Almaty qalasyndaǵy Astana alańynda ornalasqan ǵımarat. 1957 jyly salynǵan qaladaǵy tarıhı jáne kórnekti ǵımarattardyń biri.
Bul ǵımaratta 1991 jyly Qazaqstan Respýblıkasynyń Táýelsizdigi týraly zań qabyldandy. 1997 jyldan 2001 jylǵa deıin ǵımarat Almaty oblysy ákiminiń rezıdenııasy qyzmetin atqardy. Osydan keıin ǵımarat Qazaqstan-Brıtan tehnıkalyq ýnıversıteti ornalaspaı turyp bir jyldan az ýaqyt bos turdy. 2018 jyly QBTÝ bas zaly qaıta jańǵyrtyldy.
