Nazarbaev ýnıversıtetinde oqıtyn árbir stýdentke 240 myń dollar (110 797 200 teńge — red.) bólinedi. Bul týraly Qazaqstan Joǵary oqý oryndary qaýymdastyǵynyń prezıdenti Rahman Alshanov aıtty, dep habarlaıdy «Adyrna» tilshisi.
«Nazarbaev ýnıversıtetinde bir stýdentke 240 myń dollar bólinedi, al Garvardta bar bolǵany 40 myń dollar. Bylaı alyp qarasaq, bizde alty ese joǵary bolyp otyr. Garvardtan alty ese kóp maman shyǵaryp jatyrmyz ba? Barlyq aqsha qaıda ketedi? Tekserýshi organdar osyny qadaǵalaýy kerek»,—dedi ol.
Aıtýynsha, bir jataqhana salýǵa 2 mlrd teńge ketedi.
«Nazarbaev knıversıtetiniń jyldyq bıýdjetiniń jartysyn únemdeıtin bolsa, 100 jataqhana salýǵa bolatyn edi. Al 100 jataqhana degen 5 myń stýdenttiń panasy. Sonda keshegi hosteldegideı oqıǵa bolmaıtyn edi»,—dep tolyqtyrdy Alshanov.
