“Astana Konert” kompanııasynyń prodıýseri Málik Hasenov álemge áıgili amerıkalyq ánshi ári aktrısa Djennıfer Lopestiń Astanada ótetin konerti elimiz úshin ǵana emes, búkil Ortalyq Azııa úshin mańyzdy oqıǵa bolatynyn atap ótti, dep habarlaıdy “Adyrna” ulttyq portaly Qazaqparatqa siltep.
“1 tamyzda “Astana Arena” stadıonynda Djennıfer Lopestiń konerti ótedi. Bul — kommerııalyq negizde uıymdastyrylyp otyrǵan erekshe joba. Qazaqstannyń shoý-bıznes tarıhynda mundaı deńgeıdegi joba alǵash ret ótip jatyr”, – dedi Hasenov Úkimet otyrysynda.
Prodıýserdiń aıtýynsha, konert Astananyń álemdik A-klassty juldyzdardyń gastroldik kartasyna enýine jol ashady.
“Bul sharaǵa 15 myńnan astam sheteldik týrıst keledi dep kútilýde. Qala ekonomıkasyna, qonaq úı, meıramhana jáne keıterıng salalaryna (HoReCa) 6,5 mıllıard teńge paıda túsedi dep boljanyp otyr. Sonymen qatar, 400 mıllıon teńgeden astam tikeleı salyq túsimi kútiledi”, – dedi ol.
Eske sala keteıik, buǵan deıin Djennıfer Lopestiń Up All Night atty álemdik týrnesi 1 shildede bastalyp, 3 tamyzǵa deıin jalǵasatyny habarlanǵan. Týr barysynda ol álemniń 17 qalasyna at basyn burady, olardyń qatarynda Astana da bar.
