76 jastaǧy akter jäne saiasatker Arnold Şvarsnegger Miunhen äuejaiynda kedendık tekseruden ötıp jatqan kezde ūstaldy. Sol jerden ol Avstriianyŋ Kitsbiuhel qalasynda ötetın Düniejüzılık klimattyq sammitke barudy josparlaǧan, dep habarlaidy “Adyrna” ūlttyq portaly.
Nemıstıŋ BILD internet-basylymynyŋ habarlauynşa, kezdeisoq tekseru kezınde Şvarsneggerde auksionda şamamen 20 myŋ euroǧa satpaq bolǧan şveisariialyq Audemars Piguet kompaniiasynyŋ sändı saǧaty bar ekenı anyqtaldy.
«Bız Arnold Şvarsneggerdı salyq töleuden jaltarǧany üşın tergep jatyrmyz. Ol saǧatty deklarasiialauy kerek edı, sebebı ol import bolatyn», - dedı Miunhen kedenınıŋ ökılı Tomas Meister.
Belgılı bolǧandai, Şvarsnegger kedende üş saǧattan soŋ bosatylǧan. Sonymen qatar, akter saǧaty üşın 26 000 euro, salyq retınde 4 000 euro jäne aiyppūl retınde 5 000 euro töleuge mäjbür boldy. Somanyŋ jartysyn qolma-qol töleudı talap etken.
Ūqsas jaŋalyqtar
